Wed20200930


أشهدولة أئمة ثلاثة يدعولة

باسم الكربلائي

عدد التحميلات
602
كود المدونة او الموقع
لإضافة مقطع أشهدولة أئمة ثلاثة يدعولة بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
أشهدولة أئمة ثلاثة يدعولة - باسم الكربلائي
تاريخ الاضافة
2015-10-25 19:26:31
عدد الاستماعات
105
المدة
00:38:36
عدد التحميلات
602
نص هذا المقطع

قصيدة : اشهدوا له اشهدوا له

للشاعر : السيد عبدالخالق المحنّه

الرادود : الحاج ملا باسم الكربلائی

اشهدوا له اشهدوا له...أئمه اثلاثه يدعو له

عباية زينب الدين

رفع رايه كسر رايه...رفع سبعه خسف سبعه

شُمر سبعه اعله سبعين

يبو فاضل يعباس...يبو فاضل يعباس

كتاب الله نطق بإسم الجلاله...إلها...حجاها

خدر زينب نبي و رايد كفاله...قراره...إشاره

كفيله واحد و ما كو بذاله...يعرفه...يوصفه

أخويه اليرعب القوم بخياله...قمرنه...ذخرنه

أبو الكلفه أبو الكلفه...يسد عين الشمس جفه

يزينب لا تحشمين

غضب يلهب غضب يلهب...أعرف أطباعه من يغضب

شُمر سبعه اعله سبعين

يبو فاضل يعباس...يبو فاضل يعباس

******

أول منولد زينب إجت ليه...تضمه...تشمه

تخلي المعصب إقباله و تلوليه... تعلمه...تحشمه

كسر كاروكه من قامت تناغيه...تكّفل...تمرجل

تبوس إيده و أبو الغيره تسميه...كفيلي...خليلي

اعله ريحتها اعله ريحتها...تغّطيه ابعبايتها

يبت حيدر تدرسيه

عرف درسه عرف درسه...تعالي و عايني هسه

شُمر سبعه اعله سبعين

يبو فاضل يعباس...يبو فاضل يعباس

 ******

إذا لفظوا اسم زينب يزاعل...يدمدم...يغّيم

و إذا ينفض اهدومه اتشم مراجل...أهلها...فحلها

بحر غيره و لا يرهم له ساحل...يهدمه...يعدمه

على ظهر المهر و اتشوفه راجل...براعه...إرتفاعه

تخط رجله تخط رجله...على مُهره تخط رجله

هواشم دوم عالين

كشف صدره نفخ جمره...تبتخر و الهوه ابظهره

شُمر سبعه اعله سبعين

يبو فاضل يعباس...يبو فاضل يعباس

 ******

أموت و أعرف اشقالت له اخته...تحّير...تغّير

طلع يتراعد و تجدح جبهته...يكبر...يحذر

أظن قالت له هذا الما حسبته...غريبه...سليبه

خفت من جيشهم لمن نظرته...فوارس...أشاوس

طفح زوده طفح زوده...تلوه الرمح بزنوده

عله بختش تخافين

هله ابجفه هله ابجفه...إذا ما بتّاره ما كفه

شُمر سبعه اعله سبعين

يبو فاضل يعباس...يبو فاضل يعباس

 ******

نفذ صبره و عله السبعين نوّه...يشلهم...يذلهم

طلب رخصه و إجه خجلان هوه...رغبها...طلبها

يقول حسين يا راعي المروه...أخيه...حميه

إلك روحي العزيزه فدوه فدوه...يوقره...يقدره

أخذ رخصه أخذ رخصه...جبل ما يعثر ابنصه

انخلق من غيره مو طين

و لا مهرب و لا مهرب...خيول اعله الزلم تركب

شُمر سبعه اعله سبعين

يبو فاضل يعباس...يبو فاضل يعباس

 ******

أنا الجندي و حدود الله المخيم...أحامي...خيامي

لخلي كربله طوفان من دم...أعاقب...أراقب

اليحاول يقترب يم حدنه يندم...أجيله...يويله

و حق زينب أراويكم جهنم...مسعره...مشجره

لتدنالي لتدنالي...أنا أفرك كل خشم عالي

هجم ينثر براكين

إجه ابكيفه أخذ حيفه...يسلطن من يسل سيفه

شُمر سبعه اعله سبعين

يبو فاضل يعباس...يبو فاضل يعباس

 ******

هجم شايل علي براسه و نحرها...رعبها...قلبها

لون مهره الأرض يكسر ظهرها...اعله ثقله...اشيحمله

عروس المشرعه و ذاب ابسحرها...قصدها...وعدها

جتل سبعين ألف رادت مهرها...قبلها...لجلها

طفح مّده طفح مّده...بحر عالمشرعه اتبّده

لغه كل العناوين

عذاب الله إجه من الله...هجم صعصع دخيل الله

شُمر سبعه اعله سبعين

يبو فاضل يعباس...يبو فاضل يعباس

 ******

قعد عزريل حط إيده اعله خده...تكّتر...تشّكر

و أبو فاضل يقود الموت وحده...قيادة...إرادة

عذاب من الله نازل من يرده...إجاهم...رماهم

نزل و أجدامهم ما بيها شرده...يشلهم...يذلهم

عصه موسه عصه موسه...رماها و إيده محروسه

خذت كل الثعابين

عله الشارد وقع شارد...حسبهم كل ألف واحد

شُمر سبعه اعله سبعين

يبو فاضل يعباس...يبو فاضل يعباس

 ******

زغر حجم النهر من خيّم اعليه...يرهبه...يرعبه

يريد يحمله و الزينب يوديه...يحمله...يوصله

مله جوده و يرد يرجع يبّديه... يبدي...تحدي

لونه ايريد يشرب من يحاجيه...صقرهم...قهرهم

المجّرب المعّتب...قبل زينب فلا يشرب

قلب كل الموازين

ابطرف عينه ابطرف عينه...يدور عالشمر وينه

شُمر سبعه اعله سبعين

يبو فاضل يعباس...يبو فاضل يعباس 

المرسل: الإثنين, 28 أيلول/سبتمبر 2020