Thu20190418


جنح فطرس حضرهة

باسم الكربلائي

عدد التحميلات
515
كود المدونة او الموقع
لإضافة مقطع جنح فطرس حضرهة بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
جنح فطرس حضرهة - باسم الكربلائي
تاريخ الاضافة
2015-10-21 18:51:49
عدد الاستماعات
159
المدة
00:43:28
عدد التحميلات
515
نص هذا المقطع

قصيدة : جنح فطرس

الشاعر : ناظم الحاشي

?????

جنح فطرس حظرها

بدت  رحلة  سفرها

جواز الطف صورها

على  الكوثر مقرها

?????

فطرس نازل يحمل  هالخبر

رحلت موتك جهزت   للسفر

صحبك واهلك  وانته  عالاثر

شمسك ترحل وايغيب القمر

شوفه  بعينك  يوقع  عالنهر

واختك  تنشد  بحبال  القدر

بعد عزهه ابخرابه

النبي يهتك حجابه

لك توفي  صحابه

مثل      صبرك     صبرها

?????

نادو  زينب   يانون   القلم

احنه انصارج  ةلترابج خدم

اثنين بطفج مايطيحن قسم

دمعة عينج  زينب  و العلم

اي والشكلت عالثاني الذمم

محد يوصل لطراف  الخيم

ولا   تطلع  سبيه

سراج الله  اونبيه

لجل سكنه اورقيه

الزلم     نذرت     عمرها

?????

بيهم  ناده   ياسر  مذهبي

ابقى الوحدي منكم مطلبي

كلهم صاحو يحسين الابي

من انعوفك  شنقل للنبي

عفنه حسينك بيد الناصبي

وندري بزينب بالطف تنسبي

وحق ربنه  وخليله

وحق طفه  وكفيله

وحق ستر العقيله

فلا    يقبل    عذرها

?????

كون انعوفك وانته ابغربتك

شنهو اجوابك وامك سألتك

يبني اصحابك ساعة شدتك

منعو  عنك  خيل  الداستك

دفعو دمهم عن دم  رقبتك

لو  يوليدي  ربعك   خانتك

تقول اذكر صحابي

حرق   بالنار  بابي

قلت   آية    كتابي

برمح    شالو    نحرها

?????

يمه اصحابي طاحو عالثره

واحد  واحد  قدم   منحره

همه احبابي دنيه او اخره

لا ماعندهم صفحه امزوره

لا ما خانو  بيت   المعفره

مثل الرفضو  بيعة حيدره

زلم   لمن  صحتها

جثث بالطف عفتها

قبل صدري شفتها

ابحقد   داسوا   صدرها

?????

صاحو بالطف يانور الأزل

كلمن عافك بالنار  اشتعل

 خان ابجدك وابخير العمل

يذبح فاطم بيد  ام  الجمل

راس العدنه  لجدامك نزل

رايد  يصعد  برماح الجهل

اذا شخصك  نعوفه

فلا   ربك   نشوفه

جنان الله اوقطوفه

الخسر    حبك    خسرها

?????

جرحك اخضر لليوم الجرح

ولسه انصارك لجلك تنذبح

راسك بعده مرفوع ابرمح

صرخة  دمك  اذان  الصبح

شيعي وبعدك مكسور الجنح

ويه اعدائك ارفض كل صلح

اضل صاحب عقيدة

اريد   اللي  تريده

عليه  لعنت  يزيده

الذبح    شيعه    اوغدرها

?????

وانته الحاضر شاهد للزمن

حكم  عقلك    لتغرك  فتن

اضرب صدرك للصدره انسحن

يوم العاشر لتعوف الجفن

اعلن موقف واضح للعلن

روس اصحابه قبلك طبرن

دمع   عينك     عباده

درب   موتك    ولاده

مشي اجدامك شهاده

عزاء       الطف     نصرها

?????

المرسل: الخميس, 28 حزيران/يونيو 2018
 
جنح فطرس حضرهة : باسم الكربلائي