Tue20201201


تسبيح الأمل

باسم الكربلائي

عدد التحميلات
685
كود المدونة او الموقع
لإضافة مقطع تسبيح الأمل بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
تسبيح الأمل - باسم الكربلائي
تاريخ الاضافة
2015-10-20 09:14:10
عدد الاستماعات
94
المدة
00:36:36
عدد التحميلات
685
نص هذا المقطع

قصيدة : تسبيح الأمل...عن داري من رحل...ودعته بإحساسي

للشاعر : كرار حسين الكربلائي

الرادود : الحاج ملا باسم الكربلائی

تسبيح الأمل...عن داري من رحل...ودعته بإحساسي

اشما أصلي فرض...كل دعوات الحفظ...تقراها أنفاسي

التسهيل أمره يومية...أقره الفاتحة اعليه

******

قصدت كربله قافلة الشمس تنثر عالأرض نور

أحبس دمعتي و اتموت السمه من تودع البدور

وارث فاطمه ناجيته مثل موسه بجانب الطور

أقره ابنظرته كلمات العذر قلت له يبني معذور

فردوس العمر...عيشني عالجمر...و اجروحي تبجيله

بدموع الصبر...أتوجه كل فجر...للباري و أدعيله

ايحفظه بخالص النية...أقره الفاتحة اعليه

******

الوادم من تحب تهدي بس ورد آنا أختلف يا ناس

أهديت أربعة كل واحد علي يوم الشدة ينقاس

و اليمشي بسفر تتصدق هله عشت بهذا الإحساس

الغالي من رحل عنه اتصدقت بإبني الغالي عباس

لعيوني ضوه...ريحانة نينوه...بأحزاني تانيته

شيال اللوه...أغله من الهوه...و الأجله ضحيته

بدموعي الحسينية...أقره الفاتحة اعليه

 ******

أتذكر أمس قنديل العرش جان ابمنزلي ايبات

و اندار الزمن لن بيتي صبح موطن دمعه و آهات

بجفوفي إلزمت سبحة فاطمه و أهدي له صلوات

من أشتاق إله أنظر صورته بعيون السماوات

ناموس الدهر...أتنطر بس خبر...من عنده يلفيني

عذبني السهر...ناديت امن القهر...يالزهرة غيثيني

أقنت و أرفع ايديه...أقره الفاتحة اعليه

 ******

بس أشتم هوه وادي كربله منيت دنيتي هاي

اشقد اتوسلت يرضه برحلتي و ايقول امشي اوياي

قلت له امروتك بس لا أنحرم من خدمتك مولاي

تعطش بالدرب و آنا أركض إله بيدي شايلة الماي

يا ريت أنحسب...قطرة من العذب...و اتلامس اشفافك

كل نسمه التهب...حقها لو تنعجب...يالغالي بأوصافك

يوم الما تمر بيه...أقره الفاتحة اعليه

 ******

آنا العارفة سولفلي علي ابكل اليحدث اعليه

اتمنيت الحجر لو طر جبهته أحضر له و أداويه

جسمه لو وقع عن حر الشمس بحجابي أغطيه

ما خلي الشمر يقطع منحره و لا حافر يمر بيه

كون أتصوره...من يهوه اعله الثره...و أتمدد ابكتره

أحضن منحره...و أسأل عن خنصره...وي زينب الكبره

يم شيبته المدميه...أقره الفاتحة اعليه

 *******

و اعيونه لون أندل كربله أوصل ليها بالحال

و بروحي أشتري احجابات و عبي و أستر بيها العيال

قلت له عالأقل خليني أنجتف وي زينب بالحبال

آنا امحجبة مصيونة علي توقف بين الرجال

زينب عالهزل...تندب يا با الفضل...خدر اختك اتسلب

يا ريت الحبل...يجرح جفي مثل...أم الصبر زينب

لمن تمشي مسبيه...أقره الفاتحة اعليه

 ******

بعد الواقعة صارت ندبتي للمهدي دعائي

كل لحظة التمر عجّل بالفرج يتعاله ندائي

أينَ الطالبُ ابدم المنذبح في كربُ و بلائي

القطعت منحره الساعة محشري ما أترك عزائي

حته بالقبر...عاشوره من يمر...دمعي يظل يجري 

و اعليه نذر...اوقف يوم الحشر...و ألطم على صدري

للظل جثة مرميه...أقره الفاتحة اعليه

المرسل: الخميس, 24 أيلول/سبتمبر 2020