Tue20210413


بيت الله و بيتك يحسين

جليل الكربلائي

عدد التحميلات
593
كود المدونة او الموقع
لإضافة مقطع بيت الله و بيتك يحسين بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
بيت الله و بيتك يحسين - جليل الكربلائي
تاريخ الاضافة
2014-11-09 16:29:10
عدد الاستماعات
115
المدة
00:20:32
عدد التحميلات
593
نص هذا المقطع

قصيدة : ربك راد محراب الكعبة بمحرابك

الشاعر : ناظم الحاشي

الرادود : الحاج ملا جلیل الکربلائي 

 

ربك راد محراب الكعبة بمحرابك...بالميعاد يحسين يفوزون أحبابك
و الطافك حج البيتين...بيت الله و بيتك يحسين
******
ربك راد طفك قبلة الأحرار...و يطوفه الموالي و بالدمع ينزار
إذا سبعين بالطف جانوا الأنصار...يحسين الدماء بهالزمان أنهار
يجري أنهار دمنه و ما قررنه انعوفك...و إحنه أنصار للموت و ظلينه انطوفك
شعن بالعالم شمسين...بيت الله و بيتك يحسين
******
طفنه اعله الضريح و بيك حجينه...و سعت لمحبتك يحسين رجلينه
و بدمعة حزن طفك توضينه...و عله اتراب الفرض للموت صلينه
عدنه إحساس موجود و نشعر بإحساسك...و الأنفاس يحسين اتخالط أنفاسك
هاي أبواب المعصومين...بيت الله و بيتك يحسين
******
علق دم النحر شديته بأركانك...و تعلمت الرفض يحسين بلسانك
و صليت الشهادة بصيحة آذانك...يا قربان ربك دمي قربانك
يا قربان و اختارك يحسين الدينه...و البرهان ما شفنه و مثلك حبينه
منهن ما موجود اثنين...بيت الله و بيتك يحسين
******
مثل جرحك جرح ما شافت اجروحي...و مثل حزنك جبل ما شالت اسفوحي
يا روحي و نذر يحسين إلك روحي...و مثل نوح اليتيم ابحضرتك نوحي
و الأيتام يحسين المشهودة أيتامك...و الخدام بس هُمه الواجب خدامك
خادمهم راعي الجفين...بيت الله و بيتك يحسين
******
نحرك للذبح يحسين سلّمته...رويته امن الكرامة و ماي عطشّته
و من مثلك ركب للموت راحلته...و شالت كل حياة أهل الشرف قصته
سر البيك محتار الكون بتفسيره...و اتعاديك يحسين الما عدهم غيرة
تتبارك بيه الخدين...بيت الله و بيتك يحسين
******
خسر كلمن يعادي حسين و أنصاره...و خسر كلمن منع فذ يوم زواره
وينه الحاربه للبيت بأفكاره...ووينه البلخيم شبت حقد ناره
وين الصاح ما تبقه الشيعة بأمتنه...مات و راح و احنه الظلينه و ما متنه
بيت الكل المحرومين...بيت الله و بيتك يحسين   

المرسل: الثلاثاء, 09 شباط/فبراير 2021