Fri20200925


وينه هارون

باسم الكربلائي

عدد التحميلات
1189
كود المدونة او الموقع
لإضافة مقطع وينه هارون بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
وينه هارون - باسم الكربلائي
تاريخ الاضافة
2014-09-27 11:50:02
عدد الاستماعات
253
المدة
00:18:20
عدد التحميلات
1189
نص هذا المقطع

قصیدة : وينه   هارون   و  جيوشه  السامرية

الشاعر : السيد عبدالخالق المحنّه
الرادود : الحاج ملا باسم الكربلائی
******
وينه   هارون   و  جيوشه  السامرية
خل  يجي  و  ينظر  شموخ الكاظمية
بيها      أسرار...أرض      الأحرار
الـكــاظــمــيــة...الـكــاظـمـيـة
******
ها  يهارون  الملك  وينه  و  مقامك
لو  رشيد  إنت  فلا  تسجن إمامك
إنت  مغرور  و  تظن  دايم  نظامك
هسه  ما  واحد  بقه يسمع كلامك
هذي قبه من الذهب شافتها عينك
هذا بن جعفر سجينك و انت وينك
و   السجن   صار...أرض  الأحرار
الـكــاظــمــيــة...الـكــاظـمـيـة
******
تأمر  و  تنهه  جنت  و الكل تهابك
ودّع   الأملاك  و  إستقبل  عذابك
حوبة   المسجون   خليها   بحسابك
من  كثر  ذنبك  بقه يكرهك ترابك
حته   إسمك   محد  يلفظه  و  يريده
ظل  إبن جعفر ملك و الكل عبيده
و    إحنه    زوار...أرض   الأحرار
الـكــاظــمــيــة...الـكــاظـمـيـة
******
كلها  تسأل  وينه  هارون و قصوره
ما   نفع  ملكه  و  لا  فاده  غروره
و  المعذّب  بالسجن  حي  و  نزوره
و  الله  ما  تنذل  أبد  نفس الغيوره
هالأرض  ترفض  يمر جسمك عليها
يا  مكان  و  يا  حفيره  الإنته  بيها
ما    إلك    دار...أرض    الأحرار
الـكــاظــمــيــة...الـكــاظـمـيـة
******
لو  تجي  و  إتشاهد  أنصاره الغياره
بالملايين     التجي    تحيي    الزياره
الشيعي   يتعنه  مشي  يرفع  شعاره
و  الشعار  الرافضي  ما  ننسه  ثاره
هذي   شيعة   حيدره   قد  المهمه
يشهد   اعلينه   يظل   جسر  الأيمه
عندك     أخبار...أرض     الأحرار
الـكــاظــمــيــة...الـكــاظـمـيـة
******
إشتريت   الدنيه  و  المال  ابضميرك
إلك  ما  توصل  لون  دامت الغيرك
يالخنت  حامي  الحمه نعرف مصيرك
من   سعير   النار  قلي  من  يجيرك
لعنة   الباري   بقت   تنزل  عليكم
ابكل  زمان  املطخه  بالدم ايديكم
تبقه      تذكار...أرض      الأحرار
الـكــاظــمــيــة...الـكــاظـمـيـة
******
يا    بني   العباس   يالحللتوا   دمنه
كتبوا    التاريخ   من   دمهم   زلمنه
ما  يهمنه  الموت  و  الله  ما  يهمنه
غصبن   اعليكم  يظل  عالي  علمنه
ما  يهمنه  الطاغية  و  كثرة  جنوده
و  الله  يا  ويله الذي اتجاوز حدوده
تبعث      إنذار...أرض     الأحرار
الـكــاظــمــيــة...الـكــاظـمـيـة

المرسل: الإثنين, 21 أيلول/سبتمبر 2020