Sun20211128


ودعتهم

باسم الكربلائي

عدد التحميلات
2709
كود المدونة او الموقع
لإضافة مقطع ودعتهم بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ودعتهم - باسم الكربلائي
تاريخ الاضافة
2014-04-29 11:45:47
عدد الاستماعات
471
المدة
00:19:38
عدد التحميلات
2709
نص هذا المقطع

قصيدة : بالله  يالحادي  اعله هونك لو شفتهم
الشاعر : السيد عبدالخالق المحنّه

 الرادود : الحاج ملا باسم الکربلائی

 

بالله  يالحادي  اعله هونك لو شفتهم
يمكن    يزعلون    لو   ما   ودعتهم
أصعب     اعتاب...من    الأحباب
ودعتهم                       ودعتهم
******
بالله   لا   تسرع   يحادي   بالضعينه
خل   أشوف  حسين  وين  امقطعينه
أرد   أخبره   زينب   انوخذت  رهينه
بلكي  أكسر  خاطره  و  يقعد  ولينه
خنصر   المبتور   أدوره   وين   أدوره
جم  كسر  بضلوع  صدره هوه أدره
أحسب    احساب...من   الأحباب
ودعتهم                       ودعتهم
******
أرد    أقله   راسك   المقطوع   شفته
جنت    أظن    الموت   من   شبقته
من   دمع  عيني  تره  شيبك  غسلته
من  خلص  دمعي ابدمه أحمر صبغته
ريحة  الزهره  اعله  نحرك  ظل عطرها
بس  أثر  رفست  شمر  ما  راح  أثرها
جرحي   ما   طاب...من   الأحباب
ودعتهم                       ودعتهم
******
و   الله   لو  بيدي  أظل  يمك  يغالي
و  من  هجير  الحر  يفي  لك  خيالي
خلها   تحرقني  الشمس  لا  ما  أبالي
لو  يجن  الليل  أقعد  و أشكي حالي
كون أموت اوياك و أخلص من حياتي
بيه   جمرة   آه   وصلت   حد  لهاتي
روحي     تنصاب...من    الأحباب
ودعتهم                       ودعتهم
******
خل   أذكره   من   لزمني  من  ايديه
قلي    يا   زينب   اسمعي   هالوصيه
من    تركبين    الهزل    مري    عليه
لو   وصلتي   الشام  بوسي  لي  رقيه
أدري   ما   تحمل  مصايب  هالحبيبه
بالخرابة     اتموت    أدري    يالغريبه
و    القلب   ذاب...من   الأحباب
ودعتهم                       ودعتهم
******
من   إجه  الميمون  لخيامي  و  سألته
قلت  له  دليني  و  ركض و آنا تبعته
لن   ابن   جوشن   يناديني  و  سمعته
بهذا  سيفي  منحر  ابن  أمج  قطعته
قلت له يا ملعون افرض حي عضيده
و   الله   ما  تقدر  تقرب  يم  وريده
هذا      المصاب...من     الأحباب
ودعتهم                       ودعتهم
******
مر  عله  العباس  و  احجيله  الردتها
قله   اختك   هاي   مسبيه   خذتها
قله    يا    عباس    زينب    سلّبتها
ليش   نايم  عالنهر  و  اختك  عفتها
ألطم   اعله  الراس  بيساره  و  ايمينه
و   أسمع   الحادي   يقلي  وينه  وينه
هاي     الأسباب...من    الأحباب
ودعتهم                       ودعتهم
******
أرد    أسأله    خل    يجاوبني   أريده
عادت    اليوقع    يمد   للقاع   إيده
و   المسافه   جانت   إهوايه   بعيده
و   الإخو  ابهالساعه  يتمنه  عضيده
من  تلقه  حسين  جسمك  ما عرفته
من  شبك جسمك وسافه ما شبكته
أسمع      اجواب...من     الأحباب
ودعتهم                       ودعتهم

المرسل: الإثنين, 28 حزيران/يونيو 2021