Fri20201030


وينك

باسم الكربلائي

عدد التحميلات
1551
كود المدونة او الموقع
لإضافة مقطع وينك بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
وينك - باسم الكربلائي
تاريخ الاضافة
2014-04-09 18:24:23
عدد الاستماعات
364
المدة
00:11:38
عدد التحميلات
1551
نص هذا المقطع

قصيدة : وينك   أسأل   عليك   إبكل  كتر...وينك

للشاعر : ميرزا عادل أشكناني

الرادود : الحاج ملا باسم الكربلائی

وينك   أسأل   عليك   إبكل  كتر...وينك
كل     عمري     عايش     أنتظر...وينك
ما    ظل    عله    إفراقك    صبر...وينك
******
عمري    شمعه    و   ذابت   بنار   انتظارك
ليل     صبري     يرتقي     إبطلعة    نهارك
يا    حبيب    الروح    دليني   إعله   دارك
مثل   قيس   أرد   أعتني   و  ألثم  جدارك
شوقي    يتخطه    قانون    الزمن...شوقي
منذور      إلك     يبن     الحسن...شوقي
يسألني      كل      لحظه     التمر...وينك
******
عايش   إبسحرك   أنا   و   صاير   رهينك
عيني     ظلت     شابحه    الغرة    جبينك
إحسبني    من   أيتامك   اليطلب   حنينك
سيدي   و   إمسح   على  راسي  إبيمينك
حالي   خله   الصخر   دمعه  إيهلي...حالي
حال       اليتيم      إبلا      علي...حالي
امتاني      طلوعك      يا     فجر...وينك
******
إتعيش   وحدك   و  بغيابك  وحدك  إتسير
إلمن     إتسولف     همومك     لمن    إتحير
مثل    حيدر   أعتقد   يا   سيدي   إتصير
حين   تشكي   إتخلي   راسك  داخل  البير
تشكي من تشكي يا هو اليسمعك...تشكي
منهو     اللي    يمسح    مدمعك...تشكي
يا      القابض      إبجفك      جمر...وينك
******
من    بلاد    الله    الوسيعه   مستقر   وين
إبكربله    لو    يم    علي    برض   الغريين
سيدي   و   إعليك   أمشي   نحر  الحسين
ابشوفتك   يبن  الحسن  خل  نكحل  العين
ريتك    تشملني    إبجف    رأفتك...ريتك
تسمح     لي    أحظه    إبشوفتك...ريتك
جاوبني      لو      غاب     البدر...وينك
******
قالوا     اللي     يريد     يتشرف    بملقاك
إبموسم  الحج  إنت  تحضر  كل  سنه  هناك
رحت   مكه   و  قلت  يمكن  ألتقي  إوياك
لجن   ظلت   بالقلب   حسره  اعله  فرقاك
غايب   و  الغيبه  بس  عن  النظر...غايب
لاجنك         إويانه        إتحضر...غايب
و     بيا     وكت     عيني     تقر...وينك
******
مسجد    السهله    إنشده    عن    بكائي
خل   فجر   الجمعه   يوصف   لك  دعائي
رغم    تقصيري   و   رغم   شدة   جفائي
بندبتك     يبن     الحسن     دايم    ندائي
بسمك تدري إشكثر صاح القلب...بسمك
جم     ورده     زارع     بالدرب...بسمك
يالمهدي        خلصت       العمر...وينك
******
ياللي    متفضل    علينه    بفيض   عطفك
يا   وكت   يا   سيدي   إتحفنه   و   نحفك
يمته     جدام    المله    إنصافحها    جفك
توقف   إتصلي   جماعه   و   إحنه  خلفك
يمته     بيومك    ترد    تحي    المهج...يمته
يا        سيدي       يوم       الفرج...يمته
نتهنه      و      إنشوف     النصر...وينك

المرسل: الثلاثاء, 22 أيلول/سبتمبر 2020