Tue20210511


خيانة الوصية

باسم الكربلائي

عدد التحميلات
2126
كود المدونة او الموقع
لإضافة مقطع خيانة الوصية بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
خيانة الوصية - باسم الكربلائي
تاريخ الاضافة
2014-01-12 11:15:46
عدد الاستماعات
461
المدة
00:18:47
عدد التحميلات
2126
نص هذا المقطع

قصیدة : ندري  أسباب  الخيانه
الشاعر : السيد عبدالخالق المحنّه

الرادود : الحاج ملا باسم الكربلائي

 

ندري  أسباب  الخيانه و الله يشهد
حته  ما  تكتب  وصيتك  يا محمد
حسبو  إحساب...  ينكسر  باب
يا        محمد        يا       محمد
******
يا   محمد   من   دنت  ليك  المنيه
طلبتك  جانت  فقط تكتب وصيه
يهذي   قالوها   بجساره   الجاهليه
و  القصد  معروف  يا  سيد  البريه
خافوا  بحيدر  توصي  و ما رضوها
إنت   لو   كاتبها  و  الله  مزقوها
ابهاي   الأسباب...  ينكسر  باب
يا        محمد        يا       محمد
******
بس  تغمض  عينك  إتصير المصيبه
و  العزيزه  إتصير  من  بعدك غريبه
يحترق   بابك  تره  و  يصعد  لهيبه
و  التكرها  الروح  يقرب  عالحبيبه
ريتك    إتشاهد   دمعها   هالحزينه
تنظر   الكسروا   ضلعها   يا  نبينه
ابهذا    الغياب...   ينكسر   باب
يا        محمد        يا       محمد
******
يا  رسول  الله  شخبرك  من إجوها
هيَّ  بين  الباب  و  الحايط  لقوها
صاحت  آني  فاطمه  بسما رعوها
عالوجه  سطروها  ويلي و شتموها
سطرة   الظالم   تخبرك   عن  حزنها
ماتت  و  أزرق  يطاها  ظل جفنها
أول   إمصاب   ...  ينكسر  باب
يا        محمد        يا       محمد
******
حيدر   إمقيّد   مشه  تجري  دمعته
إتوزعت  بين  الإبن  و  الأم نظرته
من  بدت بالمحسن و صارت جتلته
يعني   عبدالله  الطفل  تنحز  رقبته
زينب     إبعاشر    محرم    سلبوها
و الله لو ما عصرت أمها ما سبوها
إبفقد   الأحباب...  ينكسر  باب
يا        محمد        يا       محمد
******
يا  محمد  و  الكسر  ضلع  الزجيه
كسّر   إضلوع   إشكثر  بالغاضريه
وش  تقله  لو  شفت  زينب  سبيه
عله صدر حسين تسحق خيل أميه
شوف  إبن جوشن تربع عله صدره
و  إثنعش  طبره  يطبره حز له نحره
إبقطع   الرقاب...   ينكسر  باب
يا        محمد        يا       محمد
******
يا   محمد   نادتك  بنت  الصميده
جدي  هذا حسينكم قطعوا وريده
و إنذبح ضامي بعد ذبحت عضيده
و  اليذبحون  إخوته  صبره إشيفيده
من  وقع  من فوق مهره صد عليه
جن  يقلي  إوداعة  الله  هاي  هيه
و   الصبر  غاب...  ينكسر  باب
يا        محمد        يا       محمد
******
ريتك   إتشاهد   يجد  ذبحت  زلمنه
قلي  وين  إنروح  من حرقوا خيمنه
و الله حال حسين يا جدي هضمنه
إنت  قلي  حسين  مني  و  آنا منه
سهم   المثلث  يجدي  من  جرعته
من  خرز  ظهره  يطلعه  آني  شفته
إبدم   الخضاب...   ينكسر  باب
يا        محمد        يا       محمد

المرسل: الخميس, 08 نيسان/أبريل 2021