Fri20201127


عابس على صدره كتب

باسم الكربلائي

عدد التحميلات
1116
كود المدونة او الموقع
لإضافة مقطع عابس على صدره كتب بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
عابس على صدره كتب - باسم الكربلائي
تاريخ الاضافة
2013-11-16 13:47:25
عدد الاستماعات
524
المدة
00:28:40
عدد التحميلات
1116
نص هذا المقطع

قصيدة : عابس   على   صدره  كتب

الشاعر : السيد سعيد الصافي الرميثي

الرادود : الحاج ملا باسم الكربلائی

عابس   على   صدره  كتب...  محبوبي  يحسين
يا   عاشق   اليهوه   و  يموت...  ابعمره  مرتين
يالجننتني...  و  اتملكتني  ...يا  إمامي  يا إمامي
******
عابس      جنونه     واصل     الحد     القناعه
يثبت      سلامة     عقله     برهان     الإطاعه
ما    أجمل    الحب   لو   عبر   حد   الشجاعه
و    الحومه   صارت   بالحرب   باب   الشفاعه
آنا     الحبيب     الهايم     و     حبك    نجاتي
صارت    على    جفك    مثل    شمعه   حياتي
ذايب شفتني ... و اتملكتني ...يا إمامي يا إمامي
******
بالدنيه    وحده    الموته    و   إمسجل   أجلها
و    العنده   عزه   و   نفسه   ما   يقبل   يذلها
روحه    اعله    جفه    ابغابة    الدنيه    حملها
و    الغيره    ورده   ابروضة   إحساسه   شتلها
و   آنه   ابيقيني   و   قبلتي  ما  ساعه  شكيت
فرض    الوجوب    الطاعتك   يالوالي   صليت
عبدك خذتني... و اتملكتني ...يا إمامي يا إمامي
******
شفت    الخلود    الدايم    الما    شافه    غيري
و    إتجننت    لمن    شفت    حبك    مصيري
ناداني      إقرب     مني     يالعقلك     أسيري
سيفي   إعله   جفي   ابحومتي   إتحوّل  ضميري
ما    مانعتني    من   ردت   أطبر   عله   الراس
لن   راسي  من  كثر  العشق  يتفايض  إحساس
يالأسرتني  ...  و  اتملكتني ...يا إمامي يا إمامي
******
بعيوني     أنظر     للوحي    لمن    نزل    ليك
و    اينادي    يبن    الطاهره    يحسين    لبيك
يا    سيدي   فدوه   صحت   لتراب   رجليك
و   بضلع   أمك   فاطمه   أرد   أقسم  اعليك
خليني    أقبّل    جبهتك   من   قبل   الصواب
يا   من   عله   الغبره   تظل   مسلوب   الثياب
من  خبّرتني...  و  اتملكتني ...يا إمامي يا إمامي
******
عابس   إنكشفت   له   الحجب  شاف  الكرامه
لاحت    على    متن    العرش    صورة   إمامه
و     إتجاوزت     حد    العقل    حالة    غرامه
مجنون      يرسم      بالدمه      لوحة     هيامه
يالعايش    ابنص    القلب    يا   أغله   محبوب
بيدك     عقاب     الآخره     غفران    الذنوب
يالحيرتني...  و  اتملكتني  ...يا  إمامي  يا إمامي
******
و   إتدوالت   حالة   عجب   ما   بين  الأنصار
خبّرنه    شنهي    الجننك   يا   عابس   اشصار
قلهم      حسين      ابهيبته     خلاني     محتار
خوّله    الباري   القائم   اعله   الجنه   و   النار
ما    هّمني    لوم    اللايمه    و    شما    يقولون
آني      بمحبتك      سيدي     سمّوني     مجنون
سر  علّمتني...  و اتملكتني ...يا إمامي يا إمامي
******
و    ابكل   زمن   هذا   العشق   يكبر   نشوفه
رغم   المعادي   و   زمرته  و  حقده  و  سيوفه
أنصاره     تسحق     عالخطر    تقصد    تطوفه
تتعنه     عباس     القمر    و    اتحل    ضيوفه
كل   شيعي   يهتف  سيدي  هاك  العهد  هاك
مثل    الأنصار    ابكربله    يا    ليتني    اوياك
لو  نادبتني...  و  اتملكتني  ...يا إمامي يا إمامي

المرسل: الخميس, 01 تشرين1/أكتوير 2020