Sat20201024


ما غفت عيني

باسم الكربلائي

عدد التحميلات
1514
كود المدونة او الموقع
لإضافة مقطع ما غفت عيني بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ما غفت عيني - باسم الكربلائي
تاريخ الاضافة
2013-11-10 21:42:10
عدد الاستماعات
738
المدة
00:33:31
عدد التحميلات
1514
نص هذا المقطع

قصيدة : ما غفت عيني و جفني لجلك صاحي

للشاعر : الأديب الحاج جابر الكاظمي

الرادود : الحاج ملا باسم الكربلائی

ما       غفت       عيني      و      جفني      لجلك      صاحي
إسأل         بدر        ليلي        و        شمس        مصباحي
عقبك    يا    حبيب    الروح    ...طاوعت    السهر   و   النوح
ما       غفت       عيني      و      جفني      لجلك      صاحي
******
رحت   و   بروحتك  ذبلت  رياحيني  ...عله  روحي  المنايه  إتحوم
و  حق  عينك  حبيبي  ما  غفت  عيني  ...من  يوم  الرحت لليوم
كلما    أغفه    جف   الهم   يصحيني   ...يفززني   حلم   ميشوم
إحلمت   جن  الشمس  بالنعش  تلفيني  ...تحمل  هالجنازة  إنجوم
يا  ريت  تنعه  الناعيات  ابموتي  ...يا  ريت  قبلك  ينحمل  تابوتي
جفني    اعله   الدرب   مشبوح   ...طاوعت   السهر   و   النوح
إسأل         بدر        ليلي        و        شمس        مصباحي
******
دليل    أمك    الزهره    ابحبك   امتيم   ...قلبي   هايم   ابطرواك
عفت  أربع  جروح  ابقلبي  تنزف  دم  ...خذت  أربع  بنيني إوياك
جرح  ضيم  الوكت  و  الثاني جرح الهم ...و الثالث جرح مسراك
بعد   رابع   جرح   لا   يبره   لا  يلتم  ...يمحبوبي  جرح  فرقاك
لمن  رحت  وياك  راحت  روحي  ...أم  الفصيل إتعلمت من نوحي
أون     ونت     حمام     الدوح...طاوعت    السهر    و    النوح
إسأل         بدر        ليلي        و        شمس        مصباحي
******
عفت   قلبي   يمامه  ابشبجة  اللوعات  ...يخفق  ويه  جنح  الليل
ابجفن  سهرانه  اقّضي  الليل  بالحسبات  ...عيني ابعين نجم اسهيل
أحس  روحي  سفينة  اتموج  بالحسرات  ...ياخذها و يردها السيل
عليّ  تهجم  ضواري  الغصص  و النكبات ...و ألوذ ابساتر الياويل
ابهالحاله  حالي  يا  حبيبي  الغالي ...إرحم دمع عيناي و ارحم حالي
هاي     آنه     ابجفن     مجروح...طاوعت    السهر    و    النوح
إسأل         بدر        ليلي        و        شمس        مصباحي
******
عله   جدران   همي   أحسب  الأيام  ...كل  يوم  اليمر  محسوب
كوز  إفراقك  إينثر  عليَّ  إسهام  ...و  أشاجفها  ابقلب مصيوب
آدم  ما  حمل  مثلي  غصص  و  آلالام  ...و لا مثلي صبر أيوب
أتعبني   القهر   يا   يوسف   الأحلام  ...دمع  عيني  دمع  يعقوب
يا  عمد  بيتي  و  خيمتي و أسراري ...ابوجهك مهابة أنبياء الباري
يا    موسه    و   شُعيب   و   نوح...طاوعت   السهر   و   النوح
إسأل         بدر        ليلي        و        شمس        مصباحي
******
يا  آية  شعوري  و  سورة  الإحساس  ...أجيبك  يا  حبيبي  امنين
ملامح   ذكرياتك   إلها   شاب   الراس   ...و   اتفجّر  نمير  العين
جنت  كلما  أريد  أنده  بإسم  عباس  ...بدال  إسمه أقول حسين
خوفي  اعليك  يبني  من  شرور  الناس  ...خوفي  من  مرامي  البين
ابيا قاع نازل هسه و بيا وادي ...بس انت عالبال و نسيت اولادي
من     يوم     النويت     إتروح...طاوعت     السهر    و    النوح
إسأل         بدر        ليلي        و        شمس        مصباحي
******
يمته   ترد   لي   يبني   بحملة   الغياب   ...و  إتزيل  الليالي  السود
يمته   اترد   لي   يبني  هذا  قلبي  الذاب  ...ينبض  للحياة  إردود
ليل   إنهار  أحن  و  امقابله  المحراب  ...أصلي  و  أدعو  للمعبود
أصيحن   يا   إلهي   حبيبي   الغاب  ...مثل  يوسف  أريده  ايعود
من  أفتح  القرآن  تتروالي  ...ابكل  آيه  جن  وجهك يصير إقبالي
و     أرتلها     إبدمع    مسفوح...طاوعت    السهر    و    النوح
إسأل         بدر        ليلي        و        شمس        مصباحي
******
تقول    الناس   قلب   المؤمنة   يعلم   ...و   آنا   عارفه   بأمري
ابكثر  ما  شال  قلبي  نايبات  و  هم  ...صرت  أستلهم و أدري
بنيني   الأربعة   الوياك   تتخذم   ...بس   انت   اشغلت   فكري
يهمني  القال  أبو  الأكبر  خضيب  ابدم  ...دمه  امن النحر يجري
يا  ريت  هذا  من  نسيج  أوهامي  ...أتخيلك  يبني صريع و دامي
سهرانه     و     أعد     إجروح...طاوعت    السهر    و    النوح
إسأل         بدر        ليلي        و        شمس        مصباحي

المرسل: السبت, 26 أيلول/سبتمبر 2020