Sat20211016


احنا بنتظارك

باسم الكربلائي

عدد التحميلات
2954
كود المدونة او الموقع
لإضافة مقطع احنا بنتظارك بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
احنا بنتظارك - باسم الكربلائي
تاريخ الاضافة
2013-11-06 11:44:42
عدد الاستماعات
1313
المدة
00:14:44
عدد التحميلات
2954
نص هذا المقطع
الشاعر : السيد عبدالخالق المحنّه

الرادود : الحاج ملا باسم الكربلائی  

 

ما  طلع  نهارك  ...و  إحنه  بإنتظارك
هذي   رايه  حمره  ...يعني  وينه  ثارك
******
موكب  الأحزان  أخذ  قلبي إمن إيديه
قالوا     المهدي    حضر    بالغاضريه
من   وصلت   الطف  تذكرت  الزجيه
هذا   شهر   النايبه   و   شهر   الرزيه
ما    يرف   لواءك...هذي   كربلاءك
هذا   دم  الحسين...  و  إتخذ  قرارك
******
شاهدت  منظر  سلب  روحي  العليله
رايه   حمره   نزلت   و  سوده  البديله
غيبتك   يبن   الحسن   صارت  طويله
ما  كو  غيرك  أبجي  يمك  و أشتكيله
رايتك      وديعه...لسه      عالشريعه
ننتظر    يبركان    ...لحظة   إنفجارك
******
كل   شبر   بالطف   يراويني   مصيبه
إهنا   طفل   مذبوح   يم  جثه  سليبه
إهناك   صيوان   الخدر   يسعر   لهيبه
إهنا   شفت   زينب   يسموها  الغريبه
و  الشمر هضمها...سب أبوها و أمها
و   الشمر   يغايب  ...أصبح  بجوارك
******
إهنا   شفت   جفين   يم   نهر  الملامه
إهناك   سهم   العين  يترك  له  علامه
إهنا  أشوف  إسياط  و  إدموع اليتامه
إهناك  طفله  إتصيح وين أهل الشهامه
إهنا   أثر   دمعته...و  إنطفت  شمعته
جاسم   و   شبابه...   ينتظر  فقارك
******
ها   يبو   صالح   فقارك   ما   تشهره
هذا   جدك  واقع  و  رد  خالي  مهره
ذاك بن جوشن وضع رجله إعله صدره
هم   يرفسه   و   إثنعش  طبره  يطبره
و   القطع   وريده...يمته   تقطع  إيده
و إنت من تحاسب... أدري تطفه نارك
******
يالتبدل      الرايه     دلالي     قطعته
قلي     راية     زينب    إنبدلها    يمته
هاي   يشيعة   حيدره  إنخليها  سكته
خل   أبو   فاضل   يبدل   راية  إخته
وصلت   الرساله...الصاحب  الكفاله
أنظر   الجفوفك...  و  أقبل  إعتذارك
******
هذي     رايات     الهواشم     بدّلوها
راية     الحره     بقت    ما    غيرّوها
إلحق    الزينب    يبو    صالح   ولوها
و   الله  ما  عذرك  إذا  رجعوا  سبوها
إبشاربك  خدرها...حامي  عن  قبرها
ما    تذل    أميه   ...إلا   بإنتصارك

المرسل: الإثنين, 08 آذار/مارس 2021