Thu20211202


ماعوف حبك

باسم الكربلائي

عدد التحميلات
17753
كود المدونة او الموقع
لإضافة مقطع ماعوف حبك بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ماعوف حبك - باسم الكربلائي
تاريخ الاضافة
2013-11-05 15:09:56
عدد الاستماعات
2027
المدة
00:07:08
عدد التحميلات
17753
نص هذا المقطع

قصيدة : مجنون  من  أول  مهد

الشاعر : السيد عبدالخالق المحنّه

الرادود : الحاج ملا باسم الکربلائي

 

مجنون  من  أول  مهد...  ماريد  دنيه  ولا ولد
وياك       ماعوفك       أبد...      يابوحسين
******
علمتني    من    انادي    ياعلي    تحضر   الي
ياحبيبي   وانت   اغله   من  حياتي  ومن  هلي
هالمحبه      شرفتني      بيها     اقهر     عاذلي
هذا   صوتي  بالكلايف  احضر  احضر  ياعلي
وياك يااول نبض ... لو ابقى وحدي بـ هالأرض
اهتف    علي    حبه    فرض...    يابوحسين
******
من  هويتك  روحي  هامت  وسمك بقلبي انطبع
شخص   ثاني   مايقبله   لو  دخل  قلبي  انمنع
انته    غِيره   يبو   الغِيره   واليحبك   ماخضع
قلبي   بيتك   وبمحبتك   ياعلي   راسي  ارتفع
انته  بحضورك  لافته  ...  شايل ضميري لافته
غيرك    ياحيدر    لافته    ...   يابو   حسين
******
تبقى   حاضر   ياعلينه   مدرسة  باجر  وامس
بالضماير   من   نكتبك   يعني   ممنوع  أللمس
لولا   جفك   هالكواكب  ياعلي  تفتر  عكس
كلها   بيدك   وبغيابك   ادري  ماتطلع  شمس
موجود انته بكل وكت ... مثل الهوى يالما غبت
شفتك   ولا   غيرك   شفت   ...   يابوحسين
******
امي   جانت   من   تندبك  بالمهد  انه  ابتسم
وابقى   ابجي   جن  اكلها  يمه  عيديلي  الاسم
من    عرفتك   ماعرفتك   لكن   بعيني   رسم
بس  عرفت  مايحبك  بس  ابو  النخوة  وشهم
محبوب واغله من الهوه ... اهواك يل اسمك دوه
منك    سطع    اول   ضوة   ...   يابوحسين
******
اني   اريدك  يمي  تحضر  لو  مشوا  عني  الاهل
قبري  اظلم واني خايف شحجي لو منكر سأل
ولصحيفه   سوده   كلها   مايظل  عندي  امل
لو  سالني  ما  اجاوب  بس  عشق  خير العمل
يا  باالحسن  آني  بخطر  ... لو ماتجي وين المفر
بحماك    لو    منكر   حضر   ...   يابوحسين
******
لايحجبك   عني   ذنبي   وانته  ماظن  تنحجب
واني    اعلم    في   ذنوبي   ياعلي   ماتنحسب
مااظنك   تبقه   ساكت   لوشفت  دمع  المحب
مااجاوب   بس  احبك  حتى  لو  حبك  ذنب
حاشاك  تنظر  حيرتي...  تتركني  وحدي بغربتي
لحسين     سالت    دمعتي    ...    يابوحسين
******
اني  خايف  ادري  صعبه  ياعلي  وحشه  القبر
ابقى  وحدي  واهلي  راحوا  مابعد صاحب يمر
يا   امامي   تدري   بيَّ   ابجي   لحسين  اشكثر
حافي   امشي   واعتنيله  ابجي  ولطم  عالصدر
ماانسه   يوم   محبته  ...  وبروحي  شايل  تربته
عمري      كضيته     بخدمته...     يابوحسين

المرسل: السبت, 22 أيار 2021