Thu20210506


هضموني

باسم الكربلائي

عدد التحميلات
2621
كود المدونة او الموقع
لإضافة مقطع هضموني بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
هضموني - باسم الكربلائي
تاريخ الاضافة
2013-11-03 10:34:40
عدد الاستماعات
623
المدة
00:07:32
عدد التحميلات
2621
نص هذا المقطع

القصيدة : هضموني هضموني
الشاعر : الحاج سيد سعيد الصافي

 الرادود : الحاج ملا باسم الكربلائی


هضموني هضموني .. يا بويه هضموني
سكنه العزيزه و سلوتك .. يابويه هضموني
******
يابويه شحجي لك اشصار بحالي
من ودعتني بويه
لا محنه و اثنين و تمر ببالي
يالدللتني بويه
حال اليتيمة الضلت بلا والي
ياليتمتني بويه
يتموني يتموني .. من زغري يتموني
ليش انحرم من شوفتك .. يا بويه هضموني
******
لمن رجع خيل المهر صديته
بالدماء مخضب بويه
بويه و مثل طير الـﮕطا اتلقيته
الطم و انحب بويه
خبرني طاحن يا كتر ناديته
جبد المصوب بويه
صابوني صابوني .. بالـﭽـبد صابوني
يوم اللي صابو ﭽـبدتك .. يابويه هضموني
******
آنا ادري ماتقدر يبن حامي الجار
تسمع عتابي بويه
ريتك جنت وتعاين بحالي شصار
يكلف مصابي بويه
من شبت بوسط الخيم بويه النار
حرقت ثيابي بويه
ضربوني ضربوني .. يا بويه ضربوني
لو عاعتنيت بجثتك .. يا بويه هضموني
******
ياوالدي وجم لوعة لك هدم الحيل
مرت عليه بويه
خوف ومصيبة وهضم يابويه
ولين بالغاضريه بويه
جينا احمل سياط العدا و بين الخيل
واشقف بيديه بويه
بنتوني بنتوني .. و الأثر بنتوني
ريتك تعاين طفلتك .. يا بويه هضموني
******
اصعب مصيبة الهيجت آلامي
والـﮕلب مفجوع بويه
راسك ياخيمة عزتي جدامي
عالرمح مرفوع بويه
قبل لعيوني انتحب قلبي الدامي
دم يبجي ودموع بويه
ذبحوني ذبحوني .. ﭽـم ذبحه ذبحوني
ناس اللي حزو رﮔـبتك .. يابويه هضموني
******
موقف اللي شيب دليلي هو الراس
وشلون اوصفه بويه
بنت النبي و تتصدق عليه الناس
يا ألف وسفه بويه
نحت و صحت ﭽـا وينه عني العباس
صاحب الكلفه بويه
شتموني شتموني .. يا عمي شتموني
ما اظن تقبل غيرتك .. يا بويه هضموني
******
مجلس يزيد الصوبك لسهامه
خابت الضنه بويه
خذوني عند اهل الغدر خدامه
طلبوني منه بويه
يالراسك بوسط الطشت جدامه
ﮔـمت اصدنه بويه
بعيوني بعيوني .. من شفته بعيوني
بالعصا يضرب شفتك .. يا بويه هضموني

المرسل: الخميس, 24 كانون1/ديسمبر 2020