Sat20210227


يا علي (ع) بايعناك

جليل الكربلائي

عدد التحميلات
1401
كود المدونة او الموقع
لإضافة مقطع يا علي (ع) بايعناك بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
يا علي (ع) بايعناك - جليل الكربلائي
تاريخ الاضافة
2011-06-15 08:42:06
عدد الاستماعات
209
المدة
00:09:33
عدد التحميلات
1401
نص هذا المقطع

قصيدة : يـا  عـلـي بـايعناك

للشاعر : السيد سعيد الصافي الرميثي

الرادود : الحاج ملا جلیل الكربلائی

يـا  عـلـي بـا يعناك ...نحيا و نموت إوياك
إبـحـبـك  ربـيـنـه ...و إنـت ولـينه
شـيـعـتـك  بايعناك ...نحيا و نموت إوياك
إبـحـبـك  ربـيـنـه... و إنـت ولـينه
يـا  عـلـي يـا عـلـي... و إنـت ولينه
******
هـذا  الـحب على الفطره ويانه إنولد بالذات
و أصبح يسري وي دمنه و يموت البدن لو مات
بـعـد  ما  ينفصل عنه و عنك ينفصل هيهات
و رب الـرحـمه بكتابه عن فضلك ذكر آيات
حامي  الجار عنوانك و راعي الشده و الكلفات
و  الهم ينجلي بإسمك و تقضي ابجاهك الحاجات
بـالـحـشـر يـا كرار...من صوبك المعبار
إبـدربـك  مـشـيـنـه ...و إنـت ولينه
******
إبـن ملجم رجع نفسه و خلف ألف إبن ملجم
مـو  بـس راسـك المطلوب تريد إبدينا تهدم
قـتـلـنـا  إيحلله إبكيفه المفتي اليدعي مسلم
و يـومـيه يداحي الباب ضحايا إبدربك إنقدم
إبضلع  الطاهره الزهره و جرحك يا علي نقسم
إحـنـه  شـيعتك  نبقه و لا هيهات نستسلم
لـمـصابك ابكل عام ...ننصب حزن و آلالام
و يـكـثـر بـجـبـيـنـه ...و إنته ولينه
******
و  نـذكر  ليلة إمصابك و يصير الجرح جرحين
صـوره امن الحزن و النوح تتجسد إقبال العين
سـاعة  من  إجو يمك زينب و الحسن و حسين
وي  لـوعـة بواجيهم ضجت يا علي الصوبين
و لـمـن يـا علي سمعوك عن عباس تنشد وين
جـان إيـصـبـر الأيتام العتد الباب مجتمعين
كـل  الـيـتـامه  اليوم ...مثل الطيور إتحوم
تـبـجـي  و حـزيـنـه ...و إنـت ولينه
******
عـلـى الأيتام أصعب يوم يوم البيه نعه ناعيك
و ريـت الـمـوت وافانا قبل ما يعتني إيوافيك
و بـغـيـابـك يوالينه شينشف دمعنا إعليك
و ريـت اويـاك وارانـا قـبر الرايد إيواريك
نحبك  جي خصال الطيب يا حيدر إتجمعت بيك
و لـيـل إنـهار يم قبرك نقصد يا علي إنناديك
لـو تـدري بـينه إشصار...بعدك يحامي الجار
إبـحـيـره بـقـيـنـه ...و إنـت ولـينه

المرسل: الأحد, 18 تشرين1/أكتوير 2020