هاشم بياحاله من جور الأيام

قصيدة : هـاشـم ابـيـا حاله

الرادود : الحاج ملا جلیل الكربلائی

هـاشـم ابـيـا حاله ...من جور الأيام
هـالـصـوت يتعاله ...بإسم النبي و آله
مــن     جـــور    الأيــــام
******
مـن  دمـع عـيـني و حسرتي المرسومه
امـصـايـب الـهادي و عترته المظلومه
قـلـب الـمـحـب إلـمـن يوجه لومه
أرواح  إلـنـه اعـلـه الـنـبي مالومه
لـمـن قـضـه الهادي ...زادت الآلام
مـحـد حـضر يمه ...و نعتب عله الأمه
مــن     جـــور    الأيــــام
******
شـيـعـنـه  نـعـش المصطفه بالعبره
و الـنـوب داهـمـنـه مصاب الزهره
مـا نـنـسـه ضلع أم الحسين و كسره
كـسـر  الـضـلع عالمحب يصعب أمره
جـرح  الـقـلب دامي ...لا تظن يلتام
لـمـصـيبة الزهره ...خل نسجب العبره
مــن     جـــور    الأيــــام
******
و  ثـالث مصاب امصاب ما مثله امصاب
إلـمـن نـنـاشـد إلـمن انوجه اعتاب
راس  الـوصي  ابسيف إبن ملجم ينصاب
لـلـحشر  تجري  ادموعنه الداحي الباب
و حـيدر قضه نحبه ...و شاءت الأحكام
لـمـن قـضه حيدر ...و هالأمه تتحسر
مــن     جـــور    الأيــــام
******
و  رابـع  مـصاب امصاب الصاب الأمه
جـبـد الـحـسـن ذايـب ابجمرة سمه
و خـامـس مـصاب امصاب عود اليمه
ابـيـا ذنـب نـحـر حسين يسفح دمه
ظـلـت  عقب عينه ...بس حرم و أيتام
و اخـيـامـه ملهوبه ...و الحرم مصيوبه
مــن     جـــور    الأيــــام
******
و زيـن الـعـبـاد انـهدم بالطف حيله
مـحـتـار مـا بـيـن الـجثث و العيله
دمـعـة الـبـاقـر هـالوضع تسجيله
و حـزن أبـو الـصادق يا جبال اتشيله
و  الأمـه  مـن بعده ...عاشت بالأوهام
لـمـصـيـبة الباقر ...قلب المحب صابر
مــن     جـــور    الأيــــام
******
جـعـفـر  الـصادق  روحه بالهم اتحوم
قـلـبـه حـمـل من بني العباس اهموم
اسـتـارث مـصابه الكاظم ابنه المسموم
مـا  نـنـسـه يـوم الكاظم الهذا اليوم
و إبـنـه الرضه اجروحه ...لا تظن تلتام
جـم نـايـبـه ابقلبه ...و اتحمل الغربه
مــن     جـــور    الأيــــام
******
و إبـنـه الـجـواد امصابه لا تظن يهون
انـسـم  ابـغـدر من فعل بنت المأمون
جـسـمـه  ثـلـثـتيام أصبح مرهون
مـرمـي  ابـسطح  الدار ظل ما مدفون
و  شـبله علي الهادي ...ظل صابر أعوام
و العسكري من بعده ...هالسم فطر جبده
مــن     جـــور    الأيــــام
******
و الأمـه ظـلـت تـنـتـظـر غايبها
تـنـتـظـره يـكـشف محنة امصيبتها
سـهـم  الـمـصـاب ابـغيبته صوبها
و  الـدهـر بـهـمـوم و مصايب ذبها
تـصـرخ  يـا غايبنه ...يا شبل الأكرام
لـلـطـلعه  نتأمل  ...جم دوب نتحمل
مــن     جـــور    الأيــــام