Sun20200607


عترة الهادي جاروا عليها

جليل الكربلائي

عدد التحميلات
1151
كود المدونة او الموقع
لإضافة مقطع عترة الهادي جاروا عليها بصوت جليل الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
عترة الهادي جاروا عليها - جليل الكربلائي
تاريخ الاضافة
2011-06-15 08:42:05
عدد الاستماعات
177
المدة
00:16:32
عدد التحميلات
1151
نص هذا المقطع

قصيدة : عـتـرة  الـهـادي جاروا إعليها

الشاعر : الأديب الأستاذ جابر الكاظمي

الرادود : الحاج ملا جليل الكربلائی

عـتـرة  الـهـادي جاروا إعليها     و جـمـرة الـضـلعين من يطفيها
*****
أصرخ و أصيح اليوم افجع كل يوم     يا الهادي أشرح لك مصايب و اهموم
مـن عترتك ضلعين كسروها القوم     ضـلع  البتول و ضلع إبنها المظلوم
عـلـت الـكـسرين من يداويها     و جـمـرة الـضـلعين من يطفيها
*****
يـا الـهـادي خانت أمتك بالعتره     أول ضـلـع كـسروه من الزهره
ثـانـي ضلع برض الطفوف اتنظره     يـوم  الوقع شبلك و ادسوا صدره
جـارت الـدنـيـه كـل أهاليها     و جـمـرة الـضـلعين من يطفيها
*****
أشـرح إلـك حالة حزن يا المختار     طفلين  منكم راحوا و تدري اشصار
أول  طـفل محسن هوه ابباب الدار     و  الـثـاني  عبدالله الرموه الأشرار
لـوعـة الـطفلين ابروحي أخفيها     و جـمـرة الـضـلعين من يطفيها
*****
و الفجع روحي و فجر إدموع العين     بـكَـلوب أهل بيتك إلتهبت نارين
نـار اعـله باب الدار وجرها البين     و الـثـانـيه اتلاهبت بخيام حسين
و فـاطـمـه الـنارين تستعر بيها     و جـمـرة الـضـلعين من يطفيها
*****
و الـجـتـفوا حيدر ابذيج الأنجاد     و  انـغصب للبيعه و بالإغلال إنقاد
نـفـس  الأغلال اتحولت للسجاد     مـن جـتفوه ابيسر كَوم إبن ازياد
اكَـلـوب  أهل بيتك تعلم اشبيها     و جـمـرة الـضـلعين من يطفيها
*****
جـبدين كل واحد تصوب بصواب     أول  جـبد  من الحسن بالسم ذاب
ثاني جبد اصعب و أشد كل امصاب     ابسهم  المثلث جبد أبو اليمه انصاب
رمـيـة الـجـبدين ابكَلبي راميها     و جـمـرة الـضـلعين من يطفيها
*****
راسـيـن منكم صابوا أشرار الناس     ابسيف  ابن ملجم صوبوا أول راس
و  الـثـانـي يم النهر راس العباس     صـابـوه  بالعامود كَوم الأرجاس
و الـحـرم طـاحـت كل مبانيها     و جـمـرة الـضـلعين من يطفيها

المرسل: الأربعاء, 22 نيسان/أبريل 2020