Sat20210417


وحق نحر الشهيد

باسم الكربلائي

عدد التحميلات
5053
كود المدونة او الموقع
لإضافة مقطع وحق نحر الشهيد بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
وحق نحر الشهيد - باسم الكربلائي
تاريخ الاضافة
2013-03-26 11:44:21
عدد الاستماعات
2505
المدة
00:26:00
عدد التحميلات
5053
نص هذا المقطع

قصیدة : وحق نحر الشهید

الشاعر : وسام الشويلي

  الرادود : الحاج ملا باسم الكربلائي 

 

و حق نحر الشهيد ...أذلك يا يزيد
و الله ما تمحي ذكرنه إحنه آيات السماء
آنا بنت الفتح مكه و إنت إبن الطلقاء
و حق نحر الشهيد ...أذلك يا يزيد

******

آنا زينب بت علي و أقسم قسم
إبدم أخويه حسين و براعي العلم
نعم بجفوفي أطيحنك نعم
مثلما طيّح علي إبجفه الصنم
وسط قصرك أصول...مثل فحل الفحول
صوت ذو الفقار صوتي ما أعرف الإنحناء
آنا بنت الفتح مكه و إنت إبن الطلقاء
و حق نحر الشهيد ...أذلك يا يزيد

******

إشلون يبن الوثني و الجاهلي
أنحني لك و آنا زينب بت علي
اليوم صعدت بيَّ غيرة كافلي
من نخيته و قال يختي إتدللي
و حق قطع الجفوف...أسويها طفوف
مثلما رف عالشريعه إبقصرك إيرف اللواء
آنا بنت الفتح مكه و إنت إبن الطلقاء
و حق نحر الشهيد ...أذلك يا يزيد

******

شجره طيبه أهلي و آيات الشرع
آنا زينب زودي من عدهم فرع
شجرة الملعونه إنتم و إستمع
إبجف أبو فاضل أكيداً تنقلع
عداك الإختيار...إلي صار القرار
إسعه سعيك كيد كيدك ما إلك غير الفناء
آنا بنت الفتح مكه و إنت إبن الطلقاء
و حق نحر الشهيد ...أذلك يا يزيد

******

يا مثالب راح أحسب لك و أعد
غشي وجهك من يمر طاري هند
للصنم ما زلت مملوك و عبد
لا بدين و لا إبخالق تعتقد
إشتجاوب وشتقول...و أنا إلسان الرسول
آية التطهير صوتي تدري يبن الأدعياء
آنا بنت الفتح مكه و إنت إبن الطلقاء
و حق نحر الشهيد ...أذلك يا يزيد

******

حته لو يمك جبتني إميسره
ما أذل و أبقه عزيزه إمخدره
علماني الحسن أبقه صابره
أكسر إخشوم الزلم و آنا مره
أبو فاضل أخوي...أسد خيبر أبوي
حته جبريل إبعظمته يجي يسألني الدعاء
آنا بنت الفتح مكه و إنت إبن الطلقاء
و حق نحر الشهيد ...أذلك يا يزيد

******

عرشك إيطيح و فلا يوقف بعد
و أبو اليمه حسين خالد للأبد
الراي إلنه و إنت كل رايك فند
و أعرف أيامك و أحسبهن عدد
رغم كل الجروح...نهدم لك صروح
و الله إلنه مو عجيبه السمه لو مطرت دماء
آنا بنت الفتح مكه و إنت إبن الطلقاء
و حق نحر الشهيد ...أذلك يا يزيد

******

صوت زينب يبقه هو المنتصر
و آل أميه ما يظل إلهم ذكر
و الله بس توصل زمرهم للقبر
يعني للمهدي إبتدت ساعة صفر
إذا طاح الضريح...يجي المهدي يصيح
يا لثارات العقيله و يا لثار الأولياء
آنا بنت الفتح مكه و إنت إبن الطلقاء
و حق نحر الشهيد ...أذلك يا يزيد

المرسل: الثلاثاء, 26 كانون2/يناير 2021
مسلم الخزرجی 2014-02-21 04:46:14
الهم صلی علی محمد و آل محمد الطیبین الطاهرین و صاحبین الشفاعه یوم القیامه یا ملا باسم یا خادم الحسین (ع) لقد افنیت فی حب الحسین (ع) حیاتک ادعو من الحسین ان یطول فی عمرک الذی یمشی مع الحسین علیه افضل الصلاه و السلام
ابو سلمان 2014-01-24 05:08:38
اللهم صلي على محمدا وآل محمد اسئل الله ان يحفظ ملا باسم ويحفظ جميع المقيمين على مرايا الولاء وجعلكم الله من الموالين
عبدالله 2013-11-26 02:24:29
الله يوفقكم لفعل الخير ..وأعلاء راية محمد وآل بيت محمد الاطهار الابرار