Sat20201205


قلبي لو تفك بابه

أبو بشير النجفي

عدد التحميلات
1750
كود المدونة او الموقع
لإضافة مقطع قلبي لو تفك بابه بصوت أبو بشير النجفي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
قلبي لو تفك بابه - أبو بشير النجفي
تاريخ الاضافة
2011-06-08 09:52:37
عدد الاستماعات
316
المدة
00:31:16
عدد التحميلات
1750
نص هذا المقطع

قصیدة : قـلـبـي لـو تفك بابه

الشاعر : السيد سعيد الصافي الرميثي

الرادود : الحاج ملا أبو بشیر النجفی

قـلـبـي لـو تفك بابه ...يبني و تنظر إصوابه
مـثله  ما  ظن إصواب...و ما ظن يشفه يا شاب
يــبــنــي و تــنــظـر إصـوابـه
******
لـون شـفـتـه يـجـاسـم تـندهش تجفل
و تـقـول إصـواب الـبـلـقلبي كلف يقتل
و فـلا مـثـلـه قـلـب يـتـجرع و يحمل
نـفـس  عـنـدج عـجـيـبه يصعد و ينزل
ألـوج و مـا نمت ليلي...يبعد أمك ضهد حيلي
إتـوسـع  من المصاب...و ما ظن يشفه يا شاب
يــبــنــي و تــنــظـر إصـوابـه
******
يـجـاسـم مـن ربـاك إصـوابـي ليه منبع
حـيـن الـجـنـت مـن نـبع القلب ترضع
و مـن لـيـل الـشـته الما جنت أعن و أهجع
و إشـتـد الـولـم هـالـلـيـلـه و إتوسع
يـبـنـي  و بـعد هالعله...يا طيبه الذي إتشله
تـعـجز كل الأسباب...و ما ظن يشفه يا شاب
يــبــنــي و تــنــظـر إصـوابـه
******
و يـبـنـي الـوالـده جـتـالـه لـوعـتها
لـو ونـت تـذوب الـصـخـر ونـتـهـا
تـمـوت أم الـوحـيـد مـن مـنـاحـتها
لـون راح و بـعـد مـا رجـع سـلـوتـها
لـمـن تـذكـر إربـاهـا...بعدما تقطع إبجاها
و ألـمها إبدمع سجاب...و ما ظن يشفه يا شاب
يــبــنــي و تــنــظـر إصـوابـه
******
قـبـل  مـا تـمـشـي إقـعد يبني أحجيلك
و لـو مـحـتـاره مـن يـا كـتر أبدي لك
إبـمـنـامـك بـالـمـحـنه جنت ألولي لك
و  تـفـز وجـه الـصـبـح بالبسمه أناغيلك
و  أهز المهد بضلوعي...و تهل من فرحتي إدموعي
و قلبي الحاسب إحساب...و ما ظن يشفه يا شاب
يــبــنــي و تــنــظـر إصـوابـه
******
و جـنـت صـبـح و مـسـيه قاعده إقبالك
يـشـهـر  الـفـرح كـل آمـالـي بهلالك
قـلـت  تـكـبـر يـجـاسم و أقعد إبجالك
يـفـي  عـمـري و عـلـيـه يسفر إخيالك
و هـاي الـلـيله يا غالي...ما خطرت على بالي
الـقلب شيفيده العتاب...و ما ظن يشفه يا شاب
يــبــنــي و تــنــظـر إصـوابـه
******
و  جـنـت بـالـراحـه أحـسن لمن أشتمك
سـهـل  هـم الـربـه و لاجـن كلف همك
يـجـاسـم لـو يـشـوفـك سـابح إبدمك
بـعـد بـالـدنـيـه جـا شـلها تموت أمك
و جـنـت إمـحـسبه أتهنه...تالي إبدمك أتحنه
يـبـني و قلبي ينصاب...و ما ظن يشفه يا شاب
يــبــنــي و تــنــظـر إصـوابـه

المرسل: الثلاثاء, 01 كانون1/ديسمبر 2020