Sat20201205


من مشت عني قلبي عذبني بحنينه

أبو بشير النجفي

عدد التحميلات
1871
كود المدونة او الموقع
لإضافة مقطع من مشت عني قلبي عذبني بحنينه بصوت أبو بشير النجفي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
من مشت عني قلبي عذبني بحنينه - أبو بشير النجفي
تاريخ الاضافة
2011-06-08 09:52:37
عدد الاستماعات
198
المدة
00:32:09
عدد التحميلات
1871
نص هذا المقطع

قصیدة : مـن  مـشـت  عـني الضعينه

الشاعر : أبو علي الناصري

الرادود : الحاج ملا أبو بشیر النجفی

مـن  مـشـت  عـني الضعينه ...قلبي عذبني إبحنينه
الفرقاهم ما أقدر...أنساهم ما أقدر...قلبي عذبني بحنينه
******
هـلـي لـمـن مشوا عني و بعد هي إصورهم إبعيني
و  قـطعت الشوف من عدهم صفكت إيساري بيميني
رجـع  بـيـه  حـنين الروح ذكرت أيامي و إسنيني
لـنـي إبـلا حـمـه ووالي و صده الذكره يحاجيني
أحـجـي  و الـمـدمع أسيله...هلج راحوا يالعليله
مـا أقدر أتصبر...أنساهم ما أقدر...قلبي عذبني بحنينه
******
أطـاوع  صـبـري عـالفرقه لجن مني جزع صبري
عـلـيـلـه و حيل ما بيه شسوي إبروحي ما أدري
عـمـري  الأولـه  لـوعه عقب أهلي شلي إبعمري
الـقـلـب عـذبـني بالونه يريد إويه الضعن يسري
إبـيـا أمـل قـلـبي أصبره...ينحب و خانقته عبره
و أتـنطر الأكبر...أنساهم ما أقدر...قلبي عذبني بحنينه
******
يـقـلـبـي  لازم إتصدق غده شمل العشيره أشتات
بـعـد لـمـتـهـم الـجانت ترد لا ما أظن هيهات
ظـل إعـلـه الأمـل عـايش و إتذكر زماني الفات
و ظـل إبـحـسـرة الـملقه تون و إتسله بالدمعات
مـن  شـفـت  دمـع العقيله...قلت سفرتهم طويله
أتـصور  المنظر...أنساهم  ما أقدر...قلبي عذبني بحنينه
******
يـقـلـبـي إرحـم إبـحـالي وواسيني عله الفرقه
إذا مـا تـقـطـع الـونـه جـفـن للنوم شيطبقه
أنـشـدك و إنـت بـاصـرني إذا ما صح أمل ملقه
ويـن  انطي الوجه و امشي و أهل مثل أهلي وين ألقه
و  الله مـا أقـطـع دمعتي...و لا حنيني و لا حسرتي
إبفرقاهم  أتمرمر...أنساهم  ما أقدر...قلبي عذبني بحنينه
******
لـون  يحجي القلب جا قال إشلون أنسه هلي و إرباي
إلـي  عـشـرة وفه إوياهم تنسه الشجره فضل الماي
قـبـل جـانـوا نـبـض وياي ما أقدر أبطل إبجاي
و  لا أقـطـع أمـل مـنـهـم واعدني يجي الوفاي
قـمـر هـاشـم يرجع إلنه...جايب أخبار من أهلنه
مـا  قالوا تتأخر...أنساهم ما أقدر...قلبي عذبني بحنينه
******
يـقـلـبـي قـالـوا الـغايب من يبطي العذر وياه
أقـولـن مـا قـدر يـرجـع ما أقول الوعد ينساه
جـود و عـايـلـه و رايـه كـلـها إموزمه بحماه
و  الله  يـا قـلـب عـمـي صعب ما ينحمل فرقاه
صـورتـه  تـبـقه إبخيالي...هيبتي و فخري و دلالي
مـا  ظنه  يتعذر...أنساهم ما أقدر...قلبي عذبني بحنينه
******
أبـقـه بـالـدمـع و الـنـوح لـمن ترجع أحبابي
و  مـا يـضـحـك بـعـد سـني إله إبوجه غيابي
و يـشـفـه إبـردة إضـعـوني و تبرد جمرة إصوابي
لاجـن  حـقـي مـن أعـتـب سلوة حزني بعتابي
أدعـي  الـبـاري يـردهم...عيني مشبوحه الدربهم
أذكرهم و أتحسر...أنساهم ما أقدر...قلبي عذبني بحنينه

المرسل: الأحد, 29 تشرين2/نوفمبر 2020