Sun20210516


ساقي الماي

باسم الكربلائي

عدد التحميلات
3205
كود المدونة او الموقع
لإضافة مقطع ساقي الماي بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ساقي الماي - باسم الكربلائي
تاريخ الاضافة
2013-01-01 17:24:22
عدد الاستماعات
614
المدة
00:10:43
عدد التحميلات
3205
نص هذا المقطع

قصیدة : يا ساقي الماي
الشاعر : السيد عبد الخالق المحنّه

الرادود : الحاج ملا باسم الكربلائي

 

دمـع  الـحيران .. يروي الاحزان .. وين الاوطان .. يا ساقي الماي
يـسـأل  عـلـيـك مـنين .. علمنه أهلك وين .. يا ساقي الماي
******
يـلـي  تـريـد  تناشده..موسى بن جعفر والده..تاج المكارم عنده
حـمـلة أبادة ضالمه..ضد حيدر و ضد فاطمه..و الحاقد أعلن حقده
من بني الزهرة ما صفه ..اللي أنذبح و اللي أختفه..كل فرد عاش ابلده
و الـقـاسـم يـدير النظر ..قرر بعد ذاك الخطر ..يترك مدينة جده
جـرح الـمـحـتـار .. يترك آثار .. تسكن يا دار .. يا ساقي الماي
حـايـر  تـديـر الـعـيـن .. علمنا أهلك وين .. يا ساقي الماي
******
من موطن أجداده أرتحل ..عاف الحبايب و الاهل ..لأرض العراق اتعنه
مـا  يـندل امنين الدرب..و المثله يتغرب صعب ..إلمن يسولف حزنه
بعيونه  ينشاف الدمع ..مكسور خاطر منفجع ..و الخطوة حسرة وونه
وحده صفا و حن القلب..ما ينحمل دمع الغرب ..يشوف الاهل يتمنه
وحـدك  ظليت .. تمشي إليا بيت .. لأهلك حنيت .. يا ساقي الماي
نـار الـغـرب نـاريـن .. عـلـمنا أهلك وين .. يا ساقي الماي
******
لـلـبـير  إجه  و من شافته ..بنت الكرام أتلقته..شافت الغيرة بدمه
أهـلاً  وسـهـلاً حـييته..و الدار أبوها جابته ..طبع الكرام تكرمه
بـعـد  الـضيافة  ينسأل ..عن اسمه و أمنين الأصل ..لازم يغير أسمه
أسـمه الغريب و للأسف ..تتخفه أعلام الشرف..من ظلم هاي الأمةه
صرت السقاي .. و الحكمة بهاي .. تبجي على الماي .. يا ساقي الماي
تـذكـر  مـصـاب حـسين .. علمنا اهلك وين .. يا ساقي الماي
******
فـعـلـه فعل طيب نسب ..بيه سيد القوم أنعجب ..قرر يزوجه بنته
أصبح  له بيت و عايله ..و يتمنه بس شوفة هله ..جلمة وطن جارحته
بـس  طفلة عنده بدنيته ..صارت حياته و سلوته ..و يقلها نرجع يمته
مـن يـنظر الطفلة يون ..ما ينمسح دمع الحزن..يبجي و يون بسكته
قـلـب الـمـلوم .. يفرح يا يوم .. ما ترجع دوم .. يا ساقي الماي
يـالـعـاشـرت  جـرحـين .. علمنا أهلك وين .. يا ساقي الماي
******
مـن حـس مـنيته قربت..الطفلة نادها و إجت..علمها اسمه و سره
يـا  بـوي  جبري خاطري ..لأرض المدينة سافري..أمي إلج منتظرةه
لـو شـافـتـج يـا مدللة..يا ريحة القاسم هله و تموت من الحسره
شـمـيها يا بويه إلي ..و شمي لي كل ريحة هلي ..شيطفي هاي الجمره
بـعد  الغياب .. ظلت على الباب .. ما ظل أحباب .. يا ساقي الماي
يـلـي  إجـاك الـبـيـن .. عـلمنا أهلك وين .. يا ساقي الماي

المرسل: الأربعاء, 07 نيسان/أبريل 2021