Mon20220808


من يشتد حنيني شلون اقطع ونيني

أبو بشير النجفي

عدد التحميلات
771
كود المدونة او الموقع
لإضافة مقطع من يشتد حنيني شلون اقطع ونيني بصوت أبو بشير النجفي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
من يشتد حنيني شلون اقطع ونيني - أبو بشير النجفي
تاريخ الاضافة
2012-12-29 08:05:25
عدد الاستماعات
134
المدة
00:31:01
عدد التحميلات
771
نص هذا المقطع

الشاعر : السيد سعيد الصافي الرميثي


مـن  يـشـتـد حـنـيـنـي ...إشـلـون أقـطـع ونـيـني
لـيـل إربـاك شـيـبـني...بوداعك علي يبني...إشلون أقطع ونيني
******
يالبيك القلب طول الوكت ينبض...و عن دجرك و لا لحظه اليمر يعرض
يـبـني إهموم أمك لا تظنها إتفض...إبشراب الماي يبني صورتك تعرض
كــل وكــتــك إقـبـالـي...و إخـيـالـك إخـيـالـي
آنـه أمـك و جـاوبـنـي...بوداعك علي يبني...إشلون أقطع ونيني
******
قـلـبـي إشـلون يهجع لون ودعته...و إنت بالنفس يوليدي شاركته
بـعـدك  بالرحم  عطف القلب شفته...صار إوساده إلك يا ما توسدته
و  بـجـفـوفـك إبـتـوتـه...و تـسـمـع جـنـت صـوته
إيـقـلـك  بـعـد جربني...بوداعك علي يبني...إشلون أقطع ونيني
******
عـلـه الـمثلك يلكبر واجبه الوسفه...و إجروح الموادع يا علي كلفه
مـا  يـنـفع  إضماد إلها و لا تشفه...و نار الهضم يبني إبدمعه ما تطفه
لــو  بــالــدمــع ظــنــه...مـا بـطـلـت مـنـه
كـت  الـدمـع دوبـنـي...بوداعك علي يبني...إشلون أقطع ونيني
******
يـالـقـلت  لي صبر قلبج فرض مريود...يبني إشما أصبره بالحنين إيجود
رفعت إجفوف إيديه و صحت يا معبود...أريد إبني علي سالم عليه إيعود
و شــمــت مــوت أشــمــه...و الـصـدري أضـمـه
و  أقـلـه الـقـلب عاتبني...بوداعك علي يبني...إشلون أقطع ونيني
******
أدري  إوداع  أمـك مـا يهون إعليك...و لا تقبل إبلوعة قلبي المربيك
لجن ساحة جهادك يا علي إتناديك...و جدك عله الحوض إبلهفته إمتانيك
و تــحــجــي لـه مـرامـي...و إتـبـلـغـه سـلامـي
و  تـقـلـه  الوكت دولبني...بوداعك علي يبني...إشلون أقطع ونيني
******
يـعـيـن  الله قلب ليله إشكثر صبره...إمقطع شاف سباحه عله الغبره
و إبـعـيـن الـمـحـنه قامت إتنظره...و إتخضب إيديها من دمه نحره
إتــقــلــه  أمـك  إشـعـدهـا...غـيـرك يـا ولـدهـا
و سـهـم الـغـدر صوبني...بوداعك علي يبني...إشلون أقطع ونيني

المرسل: السبت, 04 كانون1/ديسمبر 2021