Mon20210308


شبه الكرار

أحمد الباوي

عدد التحميلات
857
كود المدونة او الموقع
لإضافة مقطع شبه الكرار بصوت أحمد الباوي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
شبه الكرار - أحمد الباوي
تاريخ الاضافة
2012-12-12 15:18:58
عدد الاستماعات
129
المدة
00:11:17
عدد التحميلات
857
نص هذا المقطع

قصيدة : شبه الكرار .. بيدة الفقار

الشاعر : راضي الفيصلي

الرادود : الحاج ملا أحمد الباوي

شبه الكرار .. بيدة الفقار

شبيه الهادي برسومة .. علي بصولاتة وعلومة .. برز وأتوسط الحومة

شبه الكرار

******

دارت النوبة للأكبر .. لبس للميدان لامة

أبتسم ودع أبو اليمة .. طبعة يسحر ببتسامة

يكمالة ويجمالة .. أمن النبي حلو الجهامة

القاع تتمايل بمشية .. درعة يتوسم وسامة


طب للميدان .. لاقى الفرسان

محمد هذا لو حيدر .. مثيل الحمزة لو جعفر .. ينادي لعلي الأكبر

شبه الكرار

******

نزل ماچن شهر مرهف .. شهر بچفوفة المناية

بدى وأصياح الأعادي .. الساتر الله من البداية

لو علي الكرار هذا .. يجول بيكم للنهاية

صولتة وصرختة وعزمة .. من بدر رافع له راية


جدد صفين .. لو يوم حنين

يرد كل فارس أمجرب .. يريد الزود من يقرب .. يشطرة شطرتة المرحب

شبه الكرار

******

الحضر وقعت جمل يشهد .. ملحمة شرف الملاحم

بيها زود الحسن بارز .. ذليت السيفه الصوارم

وهذا الكبر أبن أخية .. ومنة مستارث علايم

هيبتة وغرة جبينة .. وبيه للطف بهر باسم


يطوي الرايات .. كب الجيمات

مثل عزم الحسن عزمة .. وشجاعة ومرجلة وهمة .. علي متأثر بعمة

شبه الكرار

******

فرت الفرسان كلها .. ولاوقف فارس امجرب

وإلي چان يقول أنا .. بخزرت عيونة تكهرب

علي هذا لو هو خو زينب .. وقف وأتريس الملعب

منة حتى القاع شردت .. داخن بچفة المذهب


خمد أنفاس .. هذا العباس

يطوي الحومة ويحلها .. قلب عاليها سافلها .. يهبط روؤس ويذلها

شبه الكرار

******

خابت أظنون الأعادي .. وكل من يقابلة أدبر

مادروا هذا محمد .. ولاهو حمزة ولاهو جعفر

ولاهو عباس المچنة .. لاحسن لاجدة حيدر

كشف عن وجهه لثامة .. وصاح أنا علي الأكبر


صاح بصوتين .. أنا أبن حسين

شبل من عودي المچنة .. وحق عمتي وخدر سكنة .. عجيد أصياح أذلنة

شبه الكرار

المرسل: الإثنين, 09 تشرين2/نوفمبر 2020