Wed20191211


أمك فاطمة يحسين

باسم الكربلائي

عدد التحميلات
3152
كود المدونة او الموقع
لإضافة مقطع أمك فاطمة يحسين بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
أمك فاطمة يحسين - باسم الكربلائي
تاريخ الاضافة
2012-12-09 09:45:54
عدد الاستماعات
859
المدة
00:34:44
عدد التحميلات
3152
نص هذا المقطع

امك فاطمة يا حسين ..
السيد سعيد الصافي الرميثي

امك فاطمه ياحسين .. عن جسمك تِدور وين
عالغبره هِوَنْ قلبين .. عالغبره هِوَنْ قلبين
- - - - -
ياخويه مسيت العاشر بعاشور
شفت من السما اعله الحومه ينزل نور
هاي أمك يبنها اعله الضحايا تدور
وبعدهِ العين حمره والضلع مكسور
ياخويه ومن رحت يمها
توالَم همّي وَي همها
وتلاقَينا بدموع العين .. ع الغبره هِوَنْ قلبين
- - - - -
ليها من رحت تلطم تلقتني
مكسورة قلب مهضومه شافتني
الصدرها الوالده بلوعتها ضمتني
وعليك بيا كتر يحسين نشدتني
حقج ما تعرفينه
جسم ابنج موذرينه
ومجسوم الجبد نصين .. ع الغبره هِوَنْ قلبين
- - - - -
ولمن شافتك من القفا مذبوح
ومسلب وكل جسمك يخويه جروح
هوت فوقك يبو اليمه تون وتنوح
تصيح بيا ذنب فوق الثرى مطروح
عطشان العده ذبحوك
ليش بلا دفن عافوك
وجدك سيد الكونين .. ع الغبره هِوَنْ قلبين
- - - - -
هوت فوقك يبنها الوالده تشمك
وبحسره الصدرها قامت تضمك
ومن شافت رضيعك منذبح يمك
المحسن ذكرته وكسرت ضلعها امك
من دفعوا عليها الباب
وعصروها وقلبها انصاب
صاحت وين ابو الحسنين .. ع الغبره هِوَنْ قلبين
- - - - -
تقلي للنهر يازينب اخذيني
على العباس ابو الوجدان دليني
اشم عطر الوفا من اجفوفه وديني
طفوا عينه بسهم نفس الطفوا عيني
ولمن وصلت العباس
شفتها تلطم اعلى الراس
ونشدتني على الجفين .. ع الغبره هِوَنْ قلبين
- - - - -
والصوب الغري أمك نظرها اندار
صاحت كافي صبرك ياعلي الكرار
ماعندك خبر بحسين شنهي الصار
واعيالك ابشده وانته حامي الجار
لسه مجتف بصبرك
ماتقعد تطر قبرك
على ابنك دارت الصوبين .. ع الغبره هِوَنْ قلبين

 

المرسل: خالد محمد مهدي الثلاثاء, 23 نيسان/أبريل 2013