عرس الشهادة

قصيدة : رسم رب العرش موضع مزارك
الشاعر : الاديب جابر الكاظمي

الرادود : الحاج ملا باسم الكربلائي

رسم رب العرش موضع مزارك
جعل هود النبي وصالح جوارك
القلم ظل ينعى واللوح
ضجيعك ادم ونوح
جعل هود النبي وصالح جوارك
******
بعد موتك تقرر قدر هذا وتقدر
ياحيدر وانا جبريل اجيت لدفنك احضر
شفت هاليله منظر احس قلبي تفطر
دموع ايتامك تسيل صحت الله اكبر
انهضم حالي وتاثر جبل صبري تنثر
القلب جم نايبه يشيل على مصابك يحيدر
يبنيان الصبر طايح جدارك
ياحيدر موحشه خلافك ديارك
اصيح وقلبي مجروح ضجيعك ادم ونوح
جعل نوح النبي وادم جوارك
******
اجت يم النعش تفض غبارك
تكلك هاي من صبرك شعارك
سكنت بقلبي والروح
ضجيعك ادم ونوح
جعل هود النبي وصالح جوارك
******
امر هذا وتحتم يضخب شيبك الدم
تصلي عليك الاملاك عليك الباري سلم
حزن والعالم اظلم رسول الله تالم
يصيح بقبرك وياك جسد نوح وياادم
تنوح الليله مريم قلب ساره تخذم
حزنها الزهره تنعاه خديجه بلوعه تلهب
وفيت المصحف الخالق ذمارك تنوح الغاشيه وعمن وتبارك
سبا والقارعه تنوح ضجيعك ادم ونوح
جعل هود النبي وصالح جوارك
******
خزانه ربنا صدرك رفع بارينا ذكرك
جبل وتحيطه جهال جهل ياوسفه قدرك
يعظم ربنا اجرك قصد للباري عمرك
صبح مضرب للامثال يحيدر هذا صبرك
فرع بالحكمه جذرك ابد مايخفى بدرك
تضل تبعث للاجيال حكم من هذا قبرك
شهيد وذبتت بالدم قرارك
علم يااابا الحسن اصبح منارك
معالم مجدك تلوح ضجيعك ادم ونوح
جعل هود النبي وصالح جوارك