نسيتوني
باسم الكربلائي
نسيتوني
مشيت وما مشت روحي بقت يمكم تلوج الروح
سرت ميسرة وخدري انغجر يم النهر مذبوح
أبجي مسبله دموعي وعلى النوح الهزل تنوح
ولا لحظة نشف خدي يسيل من النواعي جروج
عفتني بخطة الحومة
وحلت بعيونك النومة
رضيت وللشمر يبرى الظعينة ولا حضرتوني
سكت وطوح الحادي وانا زينب نسيتوني
جفيتوني تركتوني
جفيتوني تركتوني
ـــــــــــــــــــ
الي عتبة يروحي وياك ماتسمع يحامي حماي
انا اختك وجيت انخاك ما تنهض يخويه وياي
عيوني على الدرب تربي والله العالم بمسراي
تراني من التعب والسير متشوف الدرب عيناي
عتبت وسالت دموعي
هشمت بلوعتي ضلوعي
مشيت دروب ما خطرت ابالي وشافت عيوني
على لحن النياح انسير رنين السوط بمتوني
جفيتوني تركتوني
جفيتوني تركتوني
ـــــــــــــــــــ
رضيتو ابذلة احوالي وتاهت حسرتي بنفسي
وجيت وما فتر نوحي عليكم وارتفع حسي
قوض عالهزل خدري وجلالي وغربت شمسي
يكفيني يخويه اهموم وبسي من الحزن بس
ما مرت على بالي
اعاين راسك اقبالي
عفتكم ع الترب نومى سريت وسارت ضعوني
جريحة وحوطتني الروس فوقي وخابت ظنوني
ـــــــــــــــــــ
دقوم اسمع يخويه وياي شتقول ابحجيها الناس
هاي على الجمل زينب انذلت من عقب عباس
هونها الدهر واليوم ما تقدر تشيل الراس
كافلها انذبح وحسين ابخيل الأعوجيه انداس
همي ما تشيله اجبال
يخويه وما خطر عالباب
فقدت الصون والهيبه يروحي وما فقدتوني
يتولى الشمر ضعني الكسير وما تشوفوني
جفيتوني تركتوني
جفيتوني تركتوني
ـــــــــــــــــــ
أعاتب وانجوي بناري يخويه والصدر يلهب
ورحّات الحزينه ادور بدمعي والجفن ينحب
ما بقت يخويه النار روحي وهالقلب عطب
وما ظلت بعد عباس زينب من بعد زينب
بس طيف الخدر عندي
وجرحي من الجفني يندي
قلبي من الحزن مكسور خويه ولا جبرتوني
اسيره بقيت جتالي وجنكم ما تعرفوني
جفيتوني تركتوني
جفيتوني تركتوني
ـــــــــــــــــــ
انا ادري شعوقك عني ينايم عالنهر معذور
هذا العتب من ضيمي وانت محلل ومشكور
جني على الهزل امي عليله والضلع مكسور
وجنك حيدر وراسه على راس الروح مطبور
محفوف بغيوم البين
ويمك راس اخويه حسين
اسلي مهجتي ابعتبي وانوح وما تسمعوني
وما ظنيت يخواني وانا بشدة تعيفوني
المرسل:
الأربعاء, 10 تشرين1/أكتوير 2012
