Mon20220808


اه يانار باب الدار

باسم الكربلائي

عدد التحميلات
2719
كود المدونة او الموقع
لإضافة مقطع اه يانار باب الدار بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
اه يانار باب الدار - باسم الكربلائي
تاريخ الاضافة
2012-07-12 09:12:56
عدد الاستماعات
471
المدة
00:16:54
عدد التحميلات
2719
نص هذا المقطع

قصيدة : آه يـا نــار   بــاب الـــدار

للشاعر : الأديب الحاج جابر الكاظمي

الرادود : الحاج ملا باسم الکربلائی

 

آه   يـا   نــار   ....   بــاب   الـــدار
حـيدر ما جان ايطبروه .... لو ضلع أمي ايكسروه
آه   يـا   نــار   ....   بــاب   الـــدار
******
أنـه  بـنـت الـوصي الكرار المصايب غيبة نجمي
إسـمـي زيـنـب و تـالـي صبح أم الحزن أسمي
و آنـه ابـمـطلع اسنيني شفت كسرت ضلع أمي
امـن  الزهره  اورثت حزني و مصابي و محنتي و همي
و  امــن الــقـوم .... شـفـت اهـمـوم
مـا  جان القلبي ايفجعوه....لو ضلع أمي ايكسروه
آه   يـا   نــار   ....   بــاب   الـــدار
******
ابزغر سني و شفت بالباب انهشم ضلع أمي و اتكسر
افـقـدتـهـا و الـدمع ياقوت فوق الوجن يتنثر
عـقـب  مـا  غـابت البضعه دهتني فاجعة حيدر
حـرت بـصـواب ضلع أمي لو طبرت علي أكثر
بــيــن الــبــاب .... و الـمـحـراب
لـلـوالـد  مـا يتولوه....لو ضلع أمي ايكسروه
آه   يـا   نــار   ....   بــاب   الـــدار
******
اقـبـالـي شـفت أبو الحمله ابويه منخضب بالدم
غـدت  مـن  بـعده هالدنيه كئيبه و الزمان أظلم
قـبـل ما يندمل جرحي او قبل ما يجدي شوط الهم
لـن  شـفـت الحسن مسموم و ايلوج بمرار السم
ابـحـال الـمـوت .... صـحـت ابـصـوت
جـبدك  ما جان ايسموه....لو ضلع أمي ايكسروه
آه   يـا   نــار   ....   بــاب   الـــدار
******
بـعـدهـا صورت ابن أمي و مصابه ايراوح ابعيني
قـلـت  بـعـد الحسن شنهو الدهر تالي اشراويني
لـن تـاخـذنـي هـالـدنيه القاع الطف توديني
شـفـت  فـوق الترب أجساد اخوتي اللي تحاميني
شــفــت اجـسـوم .... تـجـري ادمـوم
مـا جان الدمها ايسفكوه....لو ضلع أمي ايكسروه
آه   يـا   نــار   ....   بــاب   الـــدار
******
فـقـد  ولـياي برض الطف أعظم نايبه و أصعب
هـذا اعـلـه الـرمح راسه و هذا بالدمه امخضب
و هـذا اعـلـه الـنهر مرمي و هذا بالثره امترب
و  هـذا ابـلـيـلة الزفه انذبح و ابحوفته امسلب
و اعـلـه احـسـيـن .... تـجـري الـعـين
ما  جان  الصدره يهشموه....لو ضلع أمي ايكسروه
آه   يـا   نــار   ....   بــاب   الـــدار
******
غـدت  نـار الـقـلب تدوي طفتها موجة المدمع
صـرت  أتـنـقـل  ابهمي كل سا أوقف ابمصرع
اهـنـا  جسم  الغريب احسين أشوفه اموذر امقطع
اهـنـا أنـظـر علي الأكبر وريده ايسيل عالمبضع
و الــنــيــران .... بــالــصـيـوان
مـا  هـالصيوان يحرقوه....لو ضلع أمي ايكسروه
آه   يـا   نــار   ....   بــاب   الـــدار
******
حـرت مـن شـفت ولياني جثث متضرجه ابدمها
رحـت  لـلمشرعه و روحي حزينه و حايره ابهمها
شـفـت جـثـة قـمر هاشم صريعه و العلم يمها
صـحـت  ادركنه  يا عباس خواتك حرقوا اخيمها
هـاي    الـنـاس    ....    يــا    عـبـاس
ما  جان  الخدري ايسلبوه....لو ضلع أمي ايكسروه
آه   يـا   نــار   ....   بــاب   الـــدار

المرسل: الثلاثاء, 01 حزيران/يونيو 2021