Sun20210620


ماتنطفي نار الحزن

باسم الكربلائي

عدد التحميلات
1315
كود المدونة او الموقع
لإضافة مقطع ماتنطفي نار الحزن بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
ماتنطفي نار الحزن - باسم الكربلائي
تاريخ الاضافة
2012-06-20 09:53:25
عدد الاستماعات
444
المدة
00:19:43
عدد التحميلات
1315
نص هذا المقطع

قصيدة : ما تنطفي نار الحزن

للشاعر : السيد عبدالخالق المحنّه

الرادود : الحاج ملا باسم الكربلائی

ما  تنطفي  نار  الحزن...  يا  قمر  هاشم
و  الفارق  أحبابه  يون...  يا  قمر هاشم
مو   شيّب   الراس  ...  وينك  يا  عباس
يا                قمر                هاشم
******
للقمر    أرسل    عتابي    دمعة    اعيوني
يا    قمر   هاشم   يخويه   ليش   عفتوني
أنظر   الراسك   و   أقلك   عاين  امتوني
صعبه    يا    خويه   عليه   من   يسألوني
وين   التكفّل  بالخدر  ...وين  أبو  الغيره
سألوني  عنك  و  أعتذر ...وين أبو الغيره
من   تسأل   الناس...   وينك  يا  عباس
يا                قمر                هاشم
******
بالحزن    يخلص    نهاري   ليلي   ساهرته
و   العمر   بعدك  يخويه  و  الله  ما  ردته
المثلك  انت  و  كله  غيره ما يعوف اخته
هذا   ما   مر   اعله  بالي  اليوم  حاسبته
ما  حسبّت  أمشي ابيسر ...يا أبو فاضل
كسر  القلب  ما  ينجبر  ...يا أبو فاضل
محبوسه    الأنفاس...   وينك   يا   عباس
يا                قمر                هاشم
******
خويه   انت   الدللتني   و   آنا   محسوده
خوتك   ما   كو   مثلها   وين   موجوده
ليش   فوق   الناقه   زينب   تالي  مقيوده
أسمع    الشامت    يقلي   قطعوا   ازنوده
أتمنه   قبلك   يالقمر...   قطعوا  ازنودي
وياك   أظل   يم  النهر  ...قطعوا  ازنودي
ترميني    الأقواس...   وينك   يا   عباس
يا                قمر                هاشم
******
و   الله   ما   تنشف  يخويه  دمعة  اعتابي
آنا    زينب    يخو    زينب   بيد   سّلابي
يا  مصاب  الصار  أسألك  يشبه  امصابي
الما   تريده   الروح   شفته   ابغيبة  أحبابي
لو  يمي  و  اتشوف  الجره...  تنظر الحالي
وينك   يسبع   القنطره...   تنظر   الحالي
ما   بين   الأرجاس...   وينك   يا  عباس
يا                قمر                هاشم
******
آنا  من  سألوني  عنك  دمعي  ظل  يجري
شرد    أجاوبهم    يخويه   بالوضع   تدري
آنا   مثل   حسين  بعدك  انكسر  ظهري
و  الله  يا  خويه  ظلمني  ما  رحم  دهري
ريت  انقطع نحري و أظل... يم أبو الأكبر
و  أتقطع  اوياكم  وصل...  يم أبو الأكبر
وياكم    أنداس...    وينك    يا   عباس
يا                قمر                هاشم
******
خويه  و  أصعب  كل  مصيبه الشمت بيه
من    نظر    ليه   يزيد   و   آنا   مسبيه
وين   زينب   هاي   زينب   يسأل  اعليه
وين   أبو   فاضل   يقلي   ما   إله   جيه
هذا  الجرحني  يالأخو...  و  انت مو يمي
و  ايشتم  الأم  و الأبو ...و انت مو يمي
ما   يملك   إحساس...  وينك  يا  عباس
يا                قمر                هاشم
******
خويه   من  يوم  العفتني  ما  شفت  راحه
و  الزمن  يشهر  عليه  اسيوفه  و  ارماحه
مو   جرح   واحد  ابقلبي  كثرة  اجراحه
عالحزن    قلبي    قفلته    ضاع   مفتاحه
انت  الهوه و انت النفس... و انت كفّالي
انت الإخو و انت الحرس... و انت كفّالي
عدواني    حراس...    وينك   يا   عباس
يا                قمر                هاشم

المرسل: الإثنين, 28 أيلول/سبتمبر 2020