Sun20210411


يالماتنسى ثارك

باسم الكربلائي

عدد التحميلات
1911
كود المدونة او الموقع
لإضافة مقطع يالماتنسى ثارك بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
يالماتنسى ثارك - باسم الكربلائي
تاريخ الاضافة
2011-06-11 10:31:36
عدد الاستماعات
532
المدة
00:12:58
عدد التحميلات
1911
نص هذا المقطع

قصيدة : يالماتنسى ثارك
الشاعر : جابر الكاظمي

الرادود : الحاج ملا باسم الكربلائي 

 

يالماتنسى ثارك ملينا انتظارك
يتأملك يالمنتظر ضلع الوديعة
******
يا ابن الغوالب ماتبقى غايب
لابد تصح ساعة فرج تعلن قدومك
رب العوالم بس هو عالم
هو يدري لي ياسبب نترجى يومك
و انت بدليلك جمرة غليلك
سهرانة عينك و برغد نامت خصومك
شفت العجايب من هالنواصب
لو تذبح اللي بالمهد محد يلومك
شقد تصبر عجيبة تحمل جم مصيبة
و بضامرك تارك اثر ضلع الوديعة
******
ساعة ظهورك نترجى نورك
يامن رهيفك للسنن يحفظ شرعها
لسيفك ترفعه لصوتك نسمعه
تصرخ يا ثار الطاهرة و كسرة ضلعها
قبل الوقايع تجري المدامع
وتواسي يابن العسكري الزهراء ودمعها
يا ابن الكتايب توقف تحاسب
كل من هضم بنت النبي وكل من فجعها
و بسيفك يتساءِل عن ظلم الأوائل
تصيح بحزن ليش انكسر ضلع الوديعة
******
بسيفك تحاكم كل طاغي ظالم
كل من على حدود الشرع داس و تعمد
عالزهراء أمك تحجي و يا خصمك
و تقل له شنهو اللي جِنَت بضعة محمد
ياللي هضمتها شلون ظلمتها
ليش اعصرتها وعلى الأرض محسن توسد
باطل عملكم ويا الزهراء الكم
وقفة طويلة بالحشر و الباري يشهد
بسيفك من تجيهم لا تصدق حجيهم
أول حكم بيهم صدر ضلع الوديعة
******
السيف بيمينك ماتغفى عينك
لا و الذي جن و انس صارت تعبده
قوم اللي تكيده تصلبه بايدك
على الشجرة من أول صنم والثاني بعده
الأول تصلبه لثارك تطلبه
و الطالب بذاك الفدك و الحق ترده
و الثاني تقصد من عنده تنشد
لمن كسر ضلع الطهر ياغاية عنده
من يبدي الندامة لا تقبل كلامه
هو الذي بيده كسر ضلع الوديعة
******
لا تغفر الهم اقطع نسلهم ذوله
الذي قطعوا نسل سيد البرية
بارينا رايد حفظ الأماجد
هو الذي حفظ نسل النبي رغم الأذية
الماضي نعوفه الحاضر نشوفه
جم زاهد بزاهد ترك نهج الرعية
بإسم الديانة يصرِّح لسانه
و بلا حجج ينكر كسر ضلع الزجية
و اليلزم عناده متفيده العبادة
يسكن سقر من كل من نكر ضلع الوديعة
******
من هذا حزنك مايغفى جفنك
غايب لجن يابن الحسن عينك تطالب
تشوف الخفايا عندك دراية
منهو التزم دين النبي ومنهو اليخادع
لون جمعنا كل مجتمعنا
بالمية واحد سيدي مخلص مدافع
مؤمن تحسبه لمن تجربه
أخس من الشمر دينه المطامع
مسلوبة الضماير عاشوا علمظاهر
إلا الذي منهم ذكر ضلع الوديعة
******
شقد انتظرنا و يا سهرنا
نتأمل نجوم السما و ما شفنا نجمك
لقلبك نواسي بهاي المآسي
نخلط دمعنا بدمعتك همنا ويا همك
نِحِن لحنينك نِوِن لونينك
نتقابل و نجري الدمع عالزهراء أمك
من تحضر النا تجمع شملنا
نتمنى لو نحظى بوقت هالطلة يمك
هالطلة الرشيدة و الغرّة الحميدة
و بطلعتك قول انجبر ضلع الوديعة

المرسل: الخميس, 14 كانون2/يناير 2021