قصیدة : الـهـي الـهـي...بـاسـمـك الاعـظم واسراره

الشاعر : الأديب الحاج جابر الكاظمي

الرادود : الحاج ملا باسم الکربلائي

 

الـهـي الـهـي...بـاسـمـك الاعـظم واسراره
الـهـي الـهـي... رد غـريـب الـدار لـدياره
يـارب مـو بـس بـنـيـني ... اريد الكل تجيني

******
مـشت  عيس النبوة وصفوة الله... محامل عن وطنها
حـسـين الوحي واهل البيت وياه ...قرائين بضعنها
مشوا واستسلمت للويل والاه... قضت روحي بحزنها
قـلت  ماعندي  غير الباري انخاه... بدعا الام لابنها
نـخـيـتـك نـخيتك... نخوة ام مكسورة الخاطر
دعـيـتـك  دعيتك ...دعوة الفكدت ضوه الناظر
قـبـل مـا تـعـمـى عـيني... اريد الكل تجيني
الــهــي  رد غــريــب الـدار لـديـاره
******
فلا خاب اليلوذ ويعتصم بيك... الدخل حصنك يأمن
بـفضل اسماءك الحسنى اناديك... العرف حقهن يثمن
الـقـدوس  السلام الملك ادريك... المؤمن والمهيمن
بـمـناجاة الدمع انحب واناجيك... دمع للهم يبرهن
حـسـرتـي حـسرتي... وونتي على حسين وعياله
دمـعـتـي  دمـعـتـي ...تجري لمن اذكر اطفاله
سـبـب دمـعـي وحـنـيني... اريد الكل تجيني
الــهــي  رد غــريــب الـدار لـديـاره
******
الـودود  الباعث  الباسط يا قيوم ...يا باطن يا ظاهر
يـارزاق ارزقـنـي الصبر دوم ...واجعل قلبي صابر
يـا قـهار اعيش بقهر وهموم ...لقدوم حسين اناطر
يـا جبار اجبر خاطري اليوم ...صعب كسر الخواطر
نـيـاحـي نـيـاحي... على العزيز المشى وخلاني
جـراحـي  جـراحي...  تراكمن واحد على الثاني
اريـد  اقـطـع ونـيـنـي... اريـد الكل تجيني
الــهــي  رد غــريــب الـدار لـديـاره
******
الـمعيد  الولي الوهاب المقدم... العظيم القوي الرافع
يـاحـي يـاعـليم بحالي تعلم... وانت الغني النافع
سـميع وتسمتع صرخات بالهم... اصيح وجفني دامع
بصير  انت وتشوف امواج من دم... تفجرها المصارع
خـيـالـي خـيـالـي... يـرسم الاجساد مرميه
لـيـالـي لـيـالـي... اسـهـر واتـنطر الجيه
شـمـلـهـم يـعـتـنـيـني... اريد الكل تجيني
الــهــي  رد غــريــب الـدار لـديـاره
******
الـحـسيب  المبدي والغفار انته... يمن للكون باري
حـفيظ وتدري بالهم الحملته... حزينة ودمعي جاري
حبيب  الزهرة بدموعي انتظرته... جزع مني انتظاري
الـهـي ولـوعـة الليل السهرته... مثل لوعة نهاري
اعـايـن اعـايـن... بـالـشـمس ريحانة الهادي
واقـارن واقـارن... هـالـكواكب اذكر اولادي
صـحـت يـمـسـهـريـني... اريد الكل تجيني
الــهــي  رد غــريــب الـدار لـديـاره
******
الـمـجـيب الوارث الخالق الرحمن... الك ارفع اديه
احـفـط عـتـرة الـهادي يديان... من شر البلية
نـذر انـذر اذا رجعوا للاوطان... نذر واجب عليه
ازرعـنـه  ورد وامـلـيه ريحان ...طريق الغاضرية
شـجـونـي شـجـوني ...على المشوا قلبي تمناهم
يـجـونـي يـجـونـي... وقـبل موتي اقعد وياهم
يـربـي وقـبـل حـيـنـي... اريـد الكل تجيني
الــهــي  رد غــريــب الـدار لـديـاره

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x