قصيدة : عله     الراس

الشاعر :  السيد عبدالخالق المحنّه

الرادود : الحاج ملا باسم الکربلائی

 

عله     الراس     عله     الراس    ...نعش    موسه    نحمله
******
شبه  طير  القلب  فر  امن  ايديه  ...يقلي  الملتقه  بالكاظميه
قبل   لا  أوصلك  شفت  الزجيه...تنادي  يا  هله  بالرافضيه
توافون       توافون...       وفه      كلمن      وصل      له
******
لقينه كل بني هاشم و الحسين ...بعد فارس نشوفه ابلايه جفين
قلت  هذا  القمر  يم  الجوادين...يعباس أرد أسألك زينبك وين
نسأله         نسأله...         عله         زينب         نسأله
******
هله  بشيعة  علي  الكلهم  حميه...اسود  و  ما  يهابون  المنيه
جمعهم  حب  علي  ابهاي  الرزيه...لقاء  الحيدري  و الحيدريه
إجه     اليوم     إجه     اليوم     ...يا     هالناصب    نقله
******
صحت  وين الغيور العنده غيره...جنازة موسه بن جعفر أسيره
ضماير  شيعتك  طلعت  مسيره...و لا بينه الذي ميت ضميره
ينادون         ينادون        ...فقط        حيدر        نقبله
******
محمد  يفرح  بكثرة  عددنه...يشيعه  اعله الجسر أصبح وعدنه
نسل  اسيوفنه  و  نوفي بعهدنه...مثل جمر الغضه بعين اليضدنه
ملايين            ملايين...            يرفضون            المذله
******
و  حق الذي اندفن هوه و حديده...شعار التفرقة لا ما نريده
يوحدنه  علي  بأشرف  عقيده...اخو  لجل الاخو ايقدم وريده
فرد     راي     فرد     راي...     نصير    و    نبني    دوله
******
فصيلة دمنه وحده و من طبعنه...غضبنه ايصير واحد لو فزعنه
و  اجينه  اليوم نثبتها ابدمعنه...تحت خيمة علي الكاظم جمعنه
يمظلوم       يمظلوم...       دمع       من       دم       نهله

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x