دلوني

للشاعر : الأديب الحاج جابر الكاظمي

دلــونـي أتـوجـه ويـن ..... دلـونـي
ويـن الـصـبـر دربـه من انين ..... دلوني
يـا  ناس  آنه الزهره ..... و ابقلبي تسعر جمره

نـاديـت  و الـعـبـرات بـيـن اعـيوني
يـا نـاس آنـه أم الـحـسـن تـدرونـي
آنـه  الـذي مـن الـفـدك حـرمـوني .
ظـلـمـونـي و ابـكـسر الضلع فجعوني
خـلـونـي أجـري الـعبرات ..... خلوني
أقـضـي الـعـمـر بالحسبات ..... خلوني
نـار  الهضم مستعره ..... و ابقلبي تسعر جمره

خـل  نـفـرض  أنسه الضلع و أنسه المسمار
خـل نـفـرض أنـسـه الـنار شبت بالدار
اشـلـون أنـسـه مـحسن و انطبع بالأفكار
عـايـش  خـيـالـه اعـله الفكر ليل انهار
فـجـعـونـي محسن من طاح ..... فجعوني
جـرح الـقـلـب بالهم صاح ..... فجعوني
فــاضــت ابــعـيـنـي الـعـبـره

هـالـيـوم  مـا مـر مـثـلـه بالعالم يوم
سـاهـره  اعـيـونـي و أبد ما شافت نوم
جـمـري جـمـر يـسـتعر و اهمومي اهموم
و أحـزان قـلـبـي اويـاي تـقعد و اتقوم
بـعـيـونـي مـرسـوم الحال ..... بعيوني
و انـرسـم جـور الأهـوال ..... بـعيوني
أنسه الضلع لو كسره ..... و ابقلبي تسعر جمره

كـسـر الـضـلـع بـالـقلب هيج ناري
بـحـر الـدمـع مـن عـيني أصبح جاري
هـذا الـسـؤال ايـعـيـش بـين أفكاري
شـنـهـو  الـسـبب هجموا القوم الداري
غـدرونـي أشـرار الـنـاس ..... غدروني
و  اصـرخـة لـيش الأرجاس ..... غدروني
دلالـي  فاجد صبره ..... و ابقلبي تسعر جمره

ازرعـت  الـصـبـر قـلـت الصبر ينفعني
هـالـنـوب  أكـثـر هـالـصـبر لوعني
ضـيـعـت  عـمـري و الـدهـر ضيعني
يـا  ريـت حـاضـر والـدي و يـسمعني
حـرمـونـي عن حقي اشلون ..... حرموني
هـالـظـالـم و هـالـملعون ..... حرموني
و الهادي أعلم و أدره ..... و ابقلبي تسعر جمره

ابـصـبـر  الـقـلـب كسر الضلع شديته
و  بـدمـع عـيـنـي لـلـجـرح داويته
يـوم الـفـدك كـعـبـة حـزن سـويته
و لـيـل الـمـصـايـب بـالـحزن قضيته