كوم ارويها

قصيدة : كوم ارويه...كوم ارويهه

للشاعر : السيد سعيد الصافي الرميثي

الرادود : الحاج ملا باسم الكربلائی

كوم ارويه...كوم ارويهه
هاي اطفالك كوم ارويهه
زينب قصدت يم كافلهه..متكبعه ابضيم الايام
محتاره اوتتعثر بالهم..تشكي العباس الألام
صاحت وينك يابو الغيره..باوجودك تقبل ننضام
هذا الماي اليجري اتشوفه..منعتنه انشربه الظلام
اكصد ليها..اكصد ليها
جرد سيفك..واكصد ليها
انت ابن الكرار اخبرهه..وابيوم الخندق ذكرهه
كوم ارويه...كوم ارويهه
هاي اطفالك كوم ارويهه
انا اختك يا خويه اوتدري..جيت امن الموطن بحماك
ليل انهار اتباري الضعني..ما ساعة الغمضة عيناك
ما واحد يكدر يهضمني..ما طول السيف ابيمناك
جيتك يا عباس ابطلبه..ما ضني اتردني حاشاك
يا واليهه..يا واليهه
سر كلب اختك..يا واليهه
تشكيلك واسمع شكوتها..سهله اوما تصعب شكوتها
كوم ارويه...كوم ارويهه
هاي اطفالك كوم ارويهه
اطفال اوتصرخ عطشانه..تتعاتب يا خويه اوياي
نارين التهبن باضلوعي..نار احشاهه اونار احشاي
يا خيمه الي اوصل يمهه..كلهه اتصيح الماي الماي
يلجودك طوفان ابفضله..يالطبعك نشمي اووفاي
ما ناسيهه..ما ناسيهه
ادري اعهودك..ما ناسيهه
كوم ارويه...كوم ارويهه
هاي اطفالك كوم ارويهه