القصيدة : الوداع
الشاعر : عبد الخالق المحنة

 الرادود : الحاج ملا باسم الكربلائی

خدمة محبي باسم الكربلائي تقدم

الوداع الوداع یا حبیبي حسین
******
لیل الموادع أریده کون مایطلع صباحه
هیه بس هاللیله عدنه باچر ایجینه ابجراحه
أرد أودعکم یَخوتي ابراحه و أعرف ماکو راحه
خلي أملي عیني بیکم و الصبح صبح المناحه
******
عیني ما ترمش عسنها و أدري هاللیله قصیره
راسک الـ بي نور الله عالرمح باچر مصیره
صدرک الـ بي دمعة أمي ینفرش باچر حصیره
ثغرک الـ کلّه إبتسامه ینچوي ابـ حَر الظهیره
******
ویلي یبن أمي دخیلک بالله هالخاتم إنزعه
خنصرک خالي أریده بلکي ما واحد یقطعه
جسمک اتنثره الحوافر خویه مدري اشلون أجمعه
بالله خویه إنطیني نحرک خل أشمه و خل أودعه
******
عینک بعیني دخلها و لا تباوع بس إلیّه
أعرف اشراید توصي لاتوصیني ابـ رُقیه
باچر ابیا حال أشوفک گلي لاتخفي علیه
من یحز الشمر نحرک هم تجي أُمنه الزچیه
******
شفنه عبدالله لوداعک یرفض و هذه عجیبه
هالطفل یرفض یودعک ماقبل یمک نجیبه
اتحیرت یا خویه و أشعر هالطفل یحمل مصیبه
أعتقد عالنهر قبلک ینتهي و یقطع نحیبه

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x