حلم لو يقضه

قصيدة : حلم لو یقضه
الشاعر : سيد سعيد الصافي الرميثي

الرادود : الحاج ملا باسم الكربلائی
ليلة 14 جمادى الأول 1438 - العاشور

صحت يافضه حلم لو يقضه
علي بوجوده بوجوده بوجوده
وانصاب ضلعي
يحامي دخيلك صحت اشكيلك
علي يالوالي يالوالي انصاب ضلعي
ِهجوم ونار یحامي الجار
حلم لو يقضة (2)
******
آهات آهات
صارت بالگلب حسره هظیمه
آثار آثار
تارك عالوجن دمع اليتيمه
بحماك بحماك
انبل ياعلي واشرف كريمه
واشلون واشلون
سيفك ماگطع چف الجریمه
امر تفسيره جعلني بحيره
علي بياحاله بياحاله من شاف دمعي
صحت ياحيدر سمعته تحسر
زعل فقاره فقاره من شاف دمعي
صبر ماصار يحامي الجار
حلم لو يقظة (2)
******
والله والله
ادري ياعلي يجرحك عتابي
وياك وياك
عشت مأمنه وظلك حجابي
لو چان لوچان
تكسر خاطرك دمعة مصابي
مكسور مکسور
ظلعي ودمعي من شدة عذابي
بغدر عصروني بحقد شتموني
چنت مرعوبه مرعوبه وتشوف وضعي
لونك تدري تهشم صدري
ردت تدركني تدركني وتشوف وضعي
بگلب محتار یحامي الجار
حلم لو يقظه (2)
******
ما زال مازال
یشهدلك اثر باب الدحيته
انخاك انخاك
يالغيرك فلا واحد نخيته
برجاك برجاك
چفك يمسح الدمع البچیته
مچتوف مچتوف
من شفتك كسر ضلعي نسيته
رحت من يمي عفتني بهمي
شطت بصوابي بصوابي للمسجداسعي
اتركواالغالي ارحموا بحالي
بألم شافوني شافوني للمسجداسعي
وصي المختار يحامي الجار
حلم لو يقضه (2)
******
ناديت ناديت
خلوا عن علي وحنوا على حالي
ياناس ياناس
مايكفي الذي منكم جرالي
صديت صديت
لن قنفذ غضب كله اعتنالي
ياحيف ياحيف
بالسطرة اعلى خدي يرد سؤالي
صحت عوفوني يالتعرفوني
انا الصديقه الصديقه وعليكم ادعي
اناجي الباري بدموع انظاري
اون واشكيله اشكيله واعليكم ادعي
ولتني اشرار يحامي الجار
حلم لو يقضه (2)
******
رديت رديت
وبحسرة هظم يسعر جمرها
بالبيت بالبيت
بس طفلة بسنة خامس عمرها
وبخوف وبخوف
شبگتني وبدت قصة صبرها
وتصيح وتصيح
عينچ یمه یاظالم سطرها
علیه الاصعب مصیبة زينب
اجت مذعورة مذعورة واسمعها تلعي
تهيج جروحي وريثة نوحي
افز من نومي من نومي واسمعها تلعي
بدمع مدرار يحامي الجار
حلم لو يقضه (2)
******
رجواي رجواي
وينك ياعلي حامي الحميه
وياك وياك
اخر ساعه وتحل المنيه
توديع توديع
بيني وبينك وعندي وصيه
ماريد يدرون الحسن وحسين اخيه
افكر بيهم واخاف عليهم
واگول اولادي اودلاي يعرفون طبعي
انا الربيتهم عطف غذيتهم
ربوا بحضاني بحضاني يعرفون طبعي
هداة اطهار يحامي الجار
حلم لو يقضه (2)
******
بالليل بالليل
نعشي المرقدي لمن تشيعه
وعليك وعليك
خوفي ياعلي صبرك تودعه
لو چان لوچان
صوت من الگبر یجرح تسمعه
لازم بس علیك الناعي ينعه
ذبيح وظامي صريع ودامي
نعي خدامه یالزهره سمعي
فلا ينسونه دمه يبچونه
لطم لمصابه لمصابه یالزهره سمعي
ونصيح الثار يحامي الجار
حلم لو يقضه (2)