قصیدة : اكتب عذابي
الشاعر : الميرزا عادل أشكناني

الرادود : الحاج ملا باسم الكربلائي
المناسبة : ليلة 3 محرم الحرام 1438 هـ
حسينية المرحوم داود العاشور - البصرة

 

اكتب عذابي انتحابي اغترابي
ريح الصبا لمن يهب ياخذ كتابي
بعينك لو تراني
واني ميته بسيف بعدك
حيرني زماني
جسمي عندي روحي عندك
******
بسم الله : بسم الأه
من بعد التحيه وبالغ اجلالي
بضرف الشوك : اكتب فوك
الى حضرت جناب الوالد الغالي
اشكي الحال : بالمراسال
وطن يمطر عتب ودموعي مرسالي
العله اتزيد : وانت بعيد
وبنار المفارك ذاب دلالي
شنهي الي مغشي عليه جفني بفركتك بات
لاني من الاحياء انحسب ولا من الاموات
بويه وحن عليه
عليك امشي الهادي جديك
رحت وتدري بيه
جسمي عندي روحي عندك
******
عتبي عليك : منك ليك
يمن بالهيمه عايفلك غصن ريحان
ع المكتوب : رد مكتوب
وي ريح الصبا لو وي نسيم البان
اصفي اجراح : ع الي الراح
خمس جلمات تشرح حالي بالهجران
دهري خان : موتي هان
حزني بان عضمي لان يومي حان
بعيوني بحر من الدمع وبقلبي نيران
يابويه مثلي هم شفت محترق غركان
ياريتك شفتني
حتى تدري شلوني بعدك
بالمنزل عفتني
جسمي عندي روحي عندك
******
ياقرآن : بالأضعان
شايل ع الهوادج اية التطهير
يمته اتعود : ليه اردود
ليلي طويل عكبك واني جفني قصير
قلبي صاح : مامرتاح
طمني عليكم ليش هالتأخير
من تسألون : صحت شلون
اني بخير ما دامك يبويه بخير
طارش لمن يوصلكم وتاخذ كتابه
سلم ع العباس عني بالنيابه
كله يبو فاضل
يمته احط راسي ع زندك
عكبك دمعي هامل
جسمي عندي روحي عندك
******
اقضي الليل : بل يا ويل
رافجت القمر و مسامره النجمات
ميت النور : ضلمه الدور
بگه راسك يبويه و كلشي عكبك مات
عفت النوم : وانحب دوم
شبه طير العيودي من يجر ونات
اتريد شهود : عندي وزود
صفرت لون وجهي ودمعي و الأهات
گتلي اذا امري استقر يكطع نحيبج
گتلي اوديلج علي الاكبر يجيبج
يالطول رحيله
واعدتني وين وعدك
تدريني عليله
جسمي عندي روحي عندك
******
قلبي ارتاب : ردت جواب
عن موقف جره بتفسيره ما اعلم
برايك شور : و بعاشور
ليش ام سلمى عليها الجزع خيم
رهبه و خوف : لنها تشوف
قاروره الي بيها تراب صارت دم
اصيح بصوت : فات الفوت
ماضن يالعليله والدج يسلم
شافت رسول الله بحلم و مفرع الراس
واكف يشوف احسينه تحت الخيل ينداس
ناديه بنحيله
جيت احفر يبني لحدك
و انا بهالمصيبه
جسمي عندي روحي عندك
******
لا احتار : كلي شصار
اصدك بالامل لو صدك بالرؤيه
من بلواي : تاه الراي
ما ادري ترد لو ماترد ليه
بويه حسين : راسك وين
صدگ فوق الرمح والشيبه مدميه
لو مجتول : يعني انكول
زينب ع الهزل ودوها مسبيه
لو عمتي راحت بالسبي ومعصمها مجتوف
معناها كافلها وكع مكطوع الجفوف
جن صوت العقيله
يالگمر وفيت عهدك
واني الهزل
جسمي عندي روحي عندك
******
عندي ضنون : مترجعون
حاجز خوف عندي بس صعب شرحه
والغدروك : لو ذبحوك
اضن عبدلله هم مايسلم بذبحه
فوق ارماح : راسك لاح
راس الطفل گوه ثابت برمحه
اتعلگ بيه : خوفي عليه
اقل هبت هوى اتهز رمحه وطيحه

كافي يبويه انتظر مرسول الضعون
انجان مترجعون گلي ماترجعون

بويه بهالمقاله
رد عليه منتظره ردك
بتوقيع الرساله
جسمي عندي روحي عندك

 

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x