قصیدة : اختصرته بنحر
الشاعر : السید عبدالخالق المحنه

الرادود : الحاج ملا باسم الكربلائي 

المناسبة : محرم ۱٤۳۸ هـ. اللیلة الثانیة
في حسینیة المرحوم داوود العاشور - البصرة


رِسمَوا طَریقک دَهَر
و انتَ اختصَرته بنَحَر
لو ما یصیبَک ضِمَه
ما یجري تحتک نَهَر
******
لو ما ضَمیرک نَبي ما یِنکِسر خاطِرَک
ظَل یِطمَع ابرَحمِتک حتّی الگُطَع خُنصُرک
حَگّه النَهَر یِرتِبِک یِحلَم تِجي ابکوثَرک
شافَک بَحَر مِنحِني مِن کُبرَک اتعَذَّرک
لو ما تِصِد للخِیّم ماظَن یصیبک سَهَم
لو ما یطیح الحِمَه ما یِنکِسر لَک ظَهَر
******
عُودَک یِبَس و انچُوَّه بس آنه اشوفک تَرِف
شِفنَه فُحُول و گَعَد بس وَگعِتَک تِختِلِف
تِصنَع وِسادة رَمُل بیهم و لا مِعتِرِف
نومة أسد نومِتَک ابصید الزِلِم مُحتَرِف
مِن الشَمِس سُومَرِت لکن و لا اتغَیَّرِت
صار إعلی وجهک دِمَه یعني خسوف الگمر
******
حُب الله راید ثَمَن و انتَ ابمَحَبتَه طَمِع
لو ما إشتیاقک إله لا والله ما تنصِرع
مفروض أرُشلک وَرِد لا ما أرُشلک دَمِع
راسک یُرفعَه الرُمح حتّی تِظَل مِرتفِع
لو ما علي ابرحمتک مَحَد حِرَگ خِیمِتَک
لو ما إبن فاطمه مِنَک ضِلِع ما إنکِسَر
******
مَرّه أشوفک سَهِل مَرّه لُغِز طَلِّسِم
حَاولت أرِسمَک حِزِن لَنَّک فَرَح تنرِسِم
مَرّات أرِسمَک حِلِم مِن تِنذِبح تبتِسِم
لو ما حُفَظت الشَرَف ظَل الشَرَف بس إسِم
صدرک أشوفه سِتِر عَن الشَرَف و الخِدِر
لو ما أبو المَوزِمَه ما تِحکُم إعلی القَدَر
******
یَالغَیَّرِت مَلبَسک لا یِنسِلِب و إنسِلَب
ما تدري یابوعلي کلشي تِلِبسَه ذَهَب
مَدري اشیگول النَبي إلمَن یِوجهِ العَتَب
مِن شافکِ ابهل وَضِع مِثلِ العِلیل إنتَحَب
کُون الله ظَل یرتِعِش صَار اللطُم بالعَرِش
لو ما أکو مَرحَمه قَامَت و أینَ المَفَر
******
أدري یِأذّي الهَوَه لَمَّن یِطُب بالجَرِح
و انتَ ابجروحَک غُفَه سَمِّ و رِمالِ و مِلِح
إختَک تِضَمدَک و إجت و انتَ شِبَه مِنذِبح
مو صعبه تسحَب سَهَم بس صعبه تسحَب رُمِح
گِلتلها یا مُهجِتي لا تِنظُري لذبحِتي
رِدّي الخِیَّم مُضرِمَه یِمکِن رُقَیَّه ابخَطَر
******
لو ما إلهک یِحِب مایِفرُضِ امحَبِتَک
مِن هذا بان و بَني تتنافسِ لخدمِتَک
و الخادِم أصبَح مَلِک بي لَمحَه مِن هیبِتَک
إحضَرنَه یوم الحَشر یابوالوفه إمروِتَک
إحشُرنَه مَوکِب خَدَم خَل نِفتخِر عالاُمَم
خَل تِنظُر أهل السِمَه إلمَن یصیر الفَخَر
******
لو نِفتُرض قَرّرِت ما توصل لکربلا
ذاک انتَ حتماً تِظَل بالرِفعَوا المَنزِلَه
بَس گُلِّي مِن یستِحِق خادم أصیرَن إله
مِنهو الـ أجي لحضرِتَه مِن اُوگَع ابمُعضِلَه
چَفِّي عَسَنّه إبکَسِر لو ما لُطَم عالصَدِر
حُبَک حِسِن خاتِمَه و الدنیه لحظة سَفَر

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x