قصيدة : لا تباوع للسمه و انت بعيونك دمه

الشاعر : السيد عبد الخالق المحنّه

الرادود : الحاج ملا باسم الكربلائي

 

لا تباوع للسمه...و انت بعيونك دمه

ما تحرجك فاطمه...يا علي

 ******

لا يهمك حالي من أشقف بإيديه...و لا يهمك ضلعي و ابني و المنيه

حشّمت يا فضه من هجموا عليه...ما صحت احضر يحماي الحميه

لا تسل سيف الصبر...وجهي خليه ينسطر

تبقه حماي الحمه...يا علي

  ******

سيفك املثم يظل ابهالمصيبه...حته لو ماتت يبو حسين الحبيبه

آني من يوم المشه الوالد غريبه...المهم صبرك تره الموتة قريبه

ما أراويك الدمع...لا و لا كسر الضلع

خلي ناري مُضرمه...يا علي

  ******

لا تهل دمعك دمه و يبدي اعتذارك...المهم صبرك يبو الحملة و قرارك

انت حامي الجار بس منهوبة دارك...لا يزعلك وضعي و اتجرد فقارك

اطمئن ما كو عتب...هذا لو عندي سبب

و انت راعي الموزمه...يا علي

  ******

لا تحاول تعتذر و اتوضح أمرك...يا علي آنا اعتذر لا تبدي عذرك

انت لو مو آني محد يحني ظهرك...عالألم خليني و انت ابقه اعله صبرك

فدوه محسن ينذبح...و لا أشوفك تنجرح

اصبر اعله المظلمه...يا علي

  ******

انت روح امقيد ابحبل الوصيه...لا يشغلك حالي و اللي صار بيه

آنا أتبعك و أنسه كل هذي الأذيه...حتى لو قنفذ إجه ابسوط المنيه

ما أعوفك يا عليو المهم ترجع إلي

هذي أكبر ملحمه...يا علي

  ******

هيه فتحة باب صارت يالصميده...من هنا تبدي مصايبنه العديده

يعني حرق اخيام بالطف مو بعيده...و المصيبه اشكم إبن ينحز وريده

و الحرق باب النبي...ياخذ اعيالك سبي

و ابنك يقتله الضمه...يا علي

  ******

زينبك باجر إذا ذبحوا وليها...هم مثل حالي يحيدر ما تجييها

من وره الباب و بقت عيني عليها...اتصورتها بالسبي و مجتوفة ايديها

هيه مكسورة جنح...و الاخو راس ابرمح

باقي جثة امخذمه...يا علي

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x