قصیدة : مو بس أخو لا يالحسن يا نفسي بل أكثر + مكتوبة

الشاعر : علي السقاي
الرادود : الحاج ملا باسم الكربلائی
 

مو بس أخو لا يالحسن يا نفسي بل أكثر

هل هذا جسمك بالقبر لو جسم أبو الأكبر

مسموم...مظلوم

*****

يالفارقت صدري هوه يالماخذ أنفاسي

حسينك أنا وبهالقبر أفرش لك إحساسي

اوياك أندفن أتمنه يا أغله و أعز ناسي

ما ودي أترك جثتك أرد أبقه و أتحسر

*****

طول اويه طول اتوسدت يالمجتبه ابقبرك

اشلون بعزاك أوقف و أنا جنت اوقف ابكترك

بيمن يعزوني دخذ من عمري العمرك

صعبه البقه براسك و إذا أسمعها أتكدر

*****

امصابك فجعني و صرت أحس سمك سره بروحي

فقدك نزف حيلي و لا تتخيط اجروحي

لو بالبجي ترجع إلي جا رجعك نوحي

أجفاني ما تنلام إذا تجري الدمع أحمر

*****

عشرتنه من معنه الهجر ما بيها لو ذره

عشنه العمر ما نفترق عالحلوه و المره

حته الهوه النتنفسه نتشارك انجره

بعدك صرت أشهق حزن و بفقدك أتحير

*****

عندك علم محد تره خبرني عن سمك

حسيت أنا بجبدي ألم و اتراكضت يمك

لا بد قلت منك عضو يالمجتبه يألمك

و احساسي مثل احساسك و ما عنه يتغير

*****

موتك يقرب كربله و يهيج اونيني

اسهام الرمت نعشك تره بمصابي ترميني

و بغربتي و محد إلي و اتدورك عيني

يجمعنه موتي و نلتقي من ينزف المنحر

*****

اشقد حلوه تصبح كربله لو انت ويايه

جا انت قائدنه و أنا أحمل لك الرايه

و ما نعطش و عدنه أخو يروينه من مايه

زينب عزيزه امكرمه ما تنسبي الخدر

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x