طبع الشمع

قصيدة : طبع الشمع

الشاعر : ﻋﺒﺪ ﺍﻟﺨﺎﻟﻖ ﺍﻟﻤﺤﻨﻪ
 الرادود : الحاج ملا باسم الكربلائي 

هذا عمر الورد ينقطع باهوى
ابني طبع الشمس انخلع بالضوى
احلم احضر زفته ويلي طفو شمعته
غمضت عينك يالولد لا تظن امك تنام
ضحكتك زفه مدلله وانا انثرلك احلام
شيبت وانطرها العرس يالولد احسب ايام
هدمت بيتي من رحت زفتك صارت اوهام
ليش ما ترد ليش تبتعد
من اشوف العرس يالولد انجرح
من تموت الشمس ما تجي يا صبح
ابني بالدم حنته ويلي طفو شمعته

******

وغبت انطر للصبح جيتك بالسلامه
مهجتي ترغب شوفتك انت طبع الحمامه
من يمر حاسد ارتعب انت كلك وسامه
بالحرب ابني بالحرب خلي تزفه عمامه
وين ياورد وين لا تصد
ما اريد العمر بالدمع والحزن
ما يعيش الصبر من يموت الابن
والله تكتل غيبته ويلي طفو شمعته

******

ما غفت عينه اعتقد ابني يسأل علية
بيه طبع جاسم من الصغر الا يغفى على اديه
كل صبح بوسه بجبهته وانتعش للمسيه
لا قضى صله ولا سهو ابني نفسه ابيه
كان مهجتي كان دنيتي
من يصير المسا يبتدي بالدعة
رتل بمصحفه سورة الواقعة
كانت حلوه شوفته ويلي طفو شمعته

******

من اجي يوكف يستعد يلزم ايدي يحبها
ما علا صوته بحضرتي ابني قمة ادبها
ما طلب مني اي طلب بس دعوتي طلبها
يندعي دومه يندعي كون اجازي تعبها
دوم يلتزم دوم يبتسم
ابني جاسم ابد ما كسر كلمتي
كل صفاته ملك بس يحب خدمتي
وسفه بالدم حنته ويلي طفو شمعته

******

ما تصد عينه على النساء ما تغره حلانه
مو مثل غيره يفتخر من كثر سيئاته
لو نظر حرمه بالدرب يكفي عينه بصلاته
عادة اليهتكله ستر صعبة يستر خواته
شوف وافتهم شوف واحترم
انت لو صح محب التزم واعترف
قاسمك مدرسة ما يحب منحرف
افهم درسه وغايته ويلي طفو شمعته