قصیدة : اشعظم صبرج جان يا بت فاطمه
الشاعر : كرار حيدر الخفاجي
الرادود : الحاج ملا باسم الکربلائی
شفتي أخوتج سابحه بفيض الدمه...اشعظم صبرج جان يا بت فاطمه
أويلاه يا فاطمه....أويلاه يا فاطمه
******
جذب ما صبرت مثل قلبج مره...يمكن بدمعج غسلتي منحره
اشلون حالج من نظرتي الخنصره...شفتي زينب بالبراري هايمه....أويلاه يا فاطمه
******
اشلون حالج من وصلتي المصرعه...يوم شفتي حسين جثته امقطعه
سال دمعج يم أخوته الأربعه...شفتي سكنه هناك كاتلها الضمه....أويلاه يا فاطمه
******
اشلون حالج من وصلتي الكربله...شفتي بيها امذبحه اليوث الفله
صحتي يا قاع المصايب و البله...بالطفوف ارماد صار امخيمه....أويلاه يا فاطمه
******
اشلون حالج من وصلتي للنهر...صحتي وين اجفوف عباس القمر
يمه طاح حسين مكسور الظهر...صارت الدنيه بقبرها مظلمه....أويلاه يا فاطمه
******
اشلون حالج مسرعة و متلهفه...رايده المصرع شبيه المصطفه
صحتي يالأكبر عله الدنيه العفه...و نارج ابين الجوانح مضرمه....أويلاه يا فاطمه
******
اشلون حالج من يضحون النفس...وشكبرها اجروحج اليوم و أمس
شفتي شاب انذبح بثياب العرس...و الهواشم غاد نصبت مأتمه....أويلاه يا فاطمه
******
اشلون حالج و الضحايه اعله الثره...شفتي زينب بالطفوف امحيره
بين أخوها و بين سبع القنطره...ظلت بوادي الحزن متألمه....أويلاه يا فاطمه
play_arrow
play_arrow
play_arrow
play_arrow
play_arrow
play_arrow
تعليقات