قصيدة : دمعة عيونج
الشاعر : سيد عبدالخالق المحنة

الرادود : الحاج ملا باسم الكربلائی 

 

يمة يا زينب عزيزه دمعة عيونج
يمه يا زينب عزيزة دمعة عيونج
ينسطر هاليوم وجهي وباجر متونج
انا بالسطرة امتحن وانتي بسياط المتن
******
يمه زينب من سطر وجهي بيمنته
سب خديجة وسب رسول الله سمعته
كتله يا ظالم تره ضلعي كسرته
انته جتالي وجنيني هم قتلته
كلي من بضعة محمد ماخلص ثاري
يعني زينب استعدي يعينج الباري
سطرة ادمتلي الجفن وانتي بسياط المتن
******
هذي اول جرأة عالباري وحبيبه
ادري منها الباب تلفي كل مصيبة
يمه زينب انتي من هسه غريبة
جني اشوفج وانتي مسبية وسليبة
يحرقج خيامج يزينب الحرق بابج
والذبح محسن ييمه يذبح احبابج
قلبه ميت مايحن وانتي بسياط المتن
******
لا تعتبين على حماي الضعينة
انا سطروني وعلي سيفه بيمينه
ينهظم عباس لو صحتي انسبينه
صيحي يا حيدر علي بوية انولينه
لو قصدتي على الشريعة وانتِ ملهوفة
شيلي سهم الصاب عينه وقبلي جفوفه
سامحي يم الحزن وانتي بسياط المتن
******
انتي من محسن بده يكثر ونينج
باجر بطف كربلا الله يعينج
من يسل سيفه الشمر وينادي وينج
من القفه يذبح حسين قبال عينج
من يحز الراس يمه جن يحز راسي
وانا وي انفاس ابني اقطع انفاسي
ابني عاري بلا دفن وانتي بسياط المتن
******
والاخذ مقيود حماي الحميه
باجر يقودج يبت حيدر سبية
انا يهضمني ترة اليهظم رقية
والقطع خنصر حسين يقطع ادية
لون الحسين على ضلعي يجرن دموعه
باجر تسمعين بالطف كسرة ضلوعه
صدري باجر ينسحق وانت بسياط المتن
******
احتمت بالباب امج من اجوها
بيمن تلوذين والخيمه احرقوها
ماكو قبلج هاشمية سلبوها
ذبحوا اخوتها على الماي وسبوها
بيمن تلوذ الغريبة الحرقوا خيمها
والكفلها على الشريعة و الشمر يمها
يشفى جرحج ما اظن وانت بسياط المتن
******
يمه كلكم يمي واشعر اني وحدي
انتي وحسين وحسن والوالي عندي
شلون وانتي على الهزيلة وشمر يحدي
للسبي ناده يمسلوبه استعدي
عالرمح راس الكفاله يعاين لحالج
من عقب وجه ابو الاكبر حرمله كبالج
صعبة ليلج من يجن وانتي بسياط المتن

تعليقات

لإرسال تعليق یجب أن تسجل في الموقع

ملفات فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x