قصیدة : أمرك وعد...ثارك عهد

الشاعر : السيد سعيد الصافي الرميثي

الرادود : الحاج باسم الكربلائی

 

أمرك           وعد...ثارك           عهد
يا  منقذ  امن  أهل  الظلم حكم الشريعه
اطوي      الأرض     ...عندك     فرض
موعد   صلاة   الجمعه   يم   قبر  الوديعه
*****
أمك    خزانة   حكمة   الخالق   صدرها
لاذت  وره  الباب  الأجل  عفت  سترها
عصرت   حقد   عالحايط  الظالم  عصرها
و  اللي  هضم  أم  الحسن جف السطرها
عندك           خبر...باقي          الأثر
طول   الزمن  ينزف  جرح  عين  الشريفه
كسر      الضلع...      باب      الدمع
كل   الفجايع  صارت  من  أول  فجيعه
*****
شجرة   حنان  المصطفه  و  الرحمه  ظلها
محد    قبل   وعد   الأجل   أمك   سألها
يا   موقف  اعليها  الأشد  سبب  أجلها
صبر  الوصي  لو  طيحت  المحسن  طفلها
و     اللي     أشد...و    أصعب    بعد
دار   الوحي   بابه   اندفع   بأمر  الخليفه
بعد            الغدر...رد           يعتذر
ما   تغفر   اذنوب   الحقد  هاي  الذريعه
*****
بضعة    محمد    فاطمه    عدهم    أمانه
و  اتمثل  أخلاق  النبي  و  عطفه و حنانه
لكن   طفوا   نور   اليسد  خلت  مكانه
لا   تأمل   امن  أهل  الغدر  غير  الخيانه
غير            الحقد...لا           تعتقد
رحمة     قلب    تتوقع    امن    السقيفه
و      أهل      الشيم...عدهم      قيم
صاحوا  علي  هوه  الولي  وواجب  نطيعه
*****
خبرنه    عن   قصة   دفن   أمك   يبنها
ليش   ابجنح   ليل   الوصي   رايد  دفنها
رد   الوديعه   امصوبه   ابهمها   و  حزنها
صاير    قبرها    ابيا   كتر   دلينه   عنها
يالمنتظر...عندك                      خبر
من   دفعة   الباب   الدمه   سنو   نزيفه
رب         السمه...خص         فاطمه
يوم   الحساب   الك  محب  هيه  الشفيعه
*****
عجل   يمن   ثارك   فرج   جبرة  ضلعها
خلي    البتول   ابرايتك   تمسح   دمعها
و  انشدها  أصعب  يا  ألم و أكثر فجعها
جف   الدفع   زينبها  لو  جف  الدفعها
سوط       المتن      ...جرح      الجفن
لو   عالهزل   قصة   سبي   الحره  العفيفه
سهم     الأحد...و     إصواب     أشد
منه   انطفت   عين  القمر  فوق  الشريعه
*****
زينب    وريثت   فاطمه   الماتت   حزينه
يالمهدي    تدري    و   يا   قلب   ونينه
مهيوبه    محشومه    إجت    من   المدينه
ردت   سبيه   من   بعد  حامي  الضعينه
أجمل          صفه...عنده          الوفه
ليل    و    نهار   ابغيرته   عامر   مضيفه
يم            النهر...طاح            القمر
للعز   مناير   صارت   اجفوفه   القطيعه
*****
اكشف   قبر   أمك   يمن  ثارك  ضمدها
تلقه  الأثر  من  سطرة الباغي اعله خدها
حته   ابقبرها   و   ما  تزال  اتون  بعدها
سهم اللي صوب جبدت حسين الضهدها
نحره          انقطع...راسه          انرفع
فوق   الرمح   آية   عجب  نبضه  رفيفه
يبني         صحت...طول        الوكت
نوحي  عله  حسين  و على ذبحت رضيعه

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x