وحدك بالغرب

قصيدة : وحدك بالغرب
الشاعر : علي السقاي

الرادود : الحاج ملا باسم الكربلائي 
طور : مثل طبع النسر طبعي

اشهد لا شريك وياك
وحدك بالغرب وحدك
اقدس جرحك ودمك
ورتل سيدي بحمدك
حسيناً واحسيناه
حسيناً واحسيناه
******
إمامي وبيك سر اللّٰه
يا من بيك عرفت ديني
يقيني تبصر بنورك
قبل لا تبصرك عيني
من دموعك يبو السجاد
تستلهم شراييني
غريب ولو زماني يعود
اسلم مهجتي بيدك
حسيناً وا حسيناه
حسيناً واحسيناه
******
على لحظة بنصرتك ياحسين
ناذر عمري وايامي
ماهو بيومك ثبت ديني
مدين لكربلا اسلامي
بلا شك النبي المختار
يشكر نحرك الدامي
شلون وما امجد بيك
وانت من النبي مجدك
حسيناً واحسيناه
حسيناً واحسيناه
******
البحث عن النبي بذاتك
ابد ما أخطأ ببحثه
البعض شافك على التربان
ما بين البحث جثه
و انا بعين العقل شفتك
محمد بساعة البعثه
بحرائك مصرعك ياحسين
وانت بمصرعك جدك
حسيناً واحسيناه
حسيناً واحسيناه
******
تحتم لأجل ابو الزهره
تطيح و يرتفع اسمه
المناير صار تشهد بيك
بفضل نحرك يا بو اليمه
يا لن منه وهو منك
اذا دمك نفس دمه
و مصاب المصطفى بجبدك
وسهم الصابك بجبده
حسيناً واحسيناه
حسيناً واحسيناه
******
صحيح بغربتك وحدك
لچن احزانك احزانه
حضر جدك يشم نحرك
يمن للهادي ريحانه
شوف المذبح و دمه
طفح من بين اجفانه
ويصرخ يا اعز مذبوح
لا قبلك و لا بعدك
حسيناً واحسيناه
حسيناً واحسيناه