قصيدة : عايش بخيمة رحمتك
️للشاعر : حاتم صبري الكاظمي
المناسبة : رثاء الامام الحسين (ع)
الزمن : ليلة 23 محرم 1440 هـ
حسينية ام الحسن (ع) - البصرة - قضاء الفاو
عايش بخيمة رحمتك
الله وفقني الخدمتك
بقد دمع زينب اشكرك
يا حــــــبـــــيـــــبــــــي
*****
شكر مملوح بدمعتي
الحضرتك تقديمه
ارزقت قلبي محرم
وفقيته يقيمه
سنبلة احنيت الك راسي
ارفعته فوق الغيمة
اغلى شي قلبي بمصابك
احرقته مثل الخيمة
شقد احبك تدري بيه
اغلى من روحي عليه
بقد دمع زينب اشكرك
يا حــــــبـــــيـــــبــــــي
*****
شقد حلو طعم المجالس
زينبي حسيته
سيدي ممنون منك
مجلسك طبيته
صار بيت الحب عزائك
لليفارق بيته
العافية في لطم صدره
للفقد عافيته
يحبني الله في سيبلك
تارس الدنيه قليلك
بقد دمع زينب اشكرك
يا حــــــبـــــيـــــبــــــي
*****
تمطر بخيرك عليه
شما امد جفيني
الدنيه كلها صغيرة عندي
و انته تارس عيني
عشت خمسين بحياتي
و انته ما ناسيني
شلون ارد دين الـ عليه
بخدمتك دليني
براسي حزنك شيبه شيبة
دونك عيوني غريبة
بقد دمع زينب اشكرك
يا حــــــبـــــيـــــبــــــي
*****
الناس بأسمك تحترمني
مقدر بتقديرك
دمعتي يوسف حياتي
امنيتها ابييرك
جفي يا باب الله
صدّق ما امدها الغيرك
ما شرعت بضيق الا
شبعتني بخيرك
والله ما ناسي شنيستك
و انته البروحي لقيتك
بقد دمع زينب اشكرك
يا حــــــبـــــيـــــبــــــي
*****
قل اعوذ لو نسيتك
بعيد من نسياني
حسين انته تبقه انته
و اني لا مو اني
من اموت اكتب عليه
هذا من غلماني
غير هاي بهاي اشعر
الله كلشي اشعر
انته تتلقاني اشوفك
بلا نحر فاتح جفوفك
بقد دمع زينب اشكرك
يا حــــــبـــــيـــــبــــــي
*****
بالجنان انظر طفوفك
تنرسم قدامك
هناك تله الزنيبية
هنا اشوف خيامك
الجنة مثل الغاضرية
تغيرت بآلامك
انته يمي بس اشوفك
مكسرات اعظامك
لو قلت أقره عزية
المن تقلي الرقية
بقد دمع زينب اشكرك
play_arrow
play_arrow
play_arrow
play_arrow
play_arrow
play_arrow
تعليقات